თუ თქვენი დღესასწაულები, დაბადების დღეები, ქორწილები, იუბილეები ზაფხულის თვეებში მოდის, მოუმზადეთ თქვენი ოჯახის წევრებს და სტუმრებს მარწყვის ტარტალეტკები. ეს დესერტი არა მხოლოდ გემრიელია, არამედ ძალიან ლამაზი, არა ჩვეულებრივი
ინგრედიენტები :
200 გრ.ფქვილი
100 გრ.მარგარინი ან კარაქი
100 გრ.შაქრის პუდრა
4 კვერცხის გული
1 -2 ს.კოვზი ცივი წყალი
თუ ვამზადებთ ტარტალეტკას მარილიანი გულსართით,მაშინ
შაქრის პუდრის ნაცვლად დავუმატოთ მარილი.
მომზადების წესები :
კვერცხის გულები მსუბუქად ავთქვიფოთ, შევურიოთ წყალი.
ფქვილი ჩავყაროთ თასში,ჩავახეხოთ ცივი მარგარინი ,ხელის თითებით ავაფხვიეროთ,,დავუმატოთ შაქრის პუდრა, შევურიოთ კვერცხის გული და მოვზილოთ სწრაფად ცომი.
ცომი შევახვიოთ პლასტიკში და შევდოთ საყინულეში ნახევარი საათი.
ტარტალეტკის ან ტარტის ფორმებში ჩავდოთ ცომი, ძირი ჩანგლით დავჩხვლიტოთ, ზემოდან დავაფაროთ საცხობი ქაღალდი,დავადოთ სიმძიმე.
ტარტალეტკები ან ტარტი გამოვაცხოთ 180 გრადუსზე წინასწარ გახურებულ ღუმელში 15 წუთი,შემდეგ მოვაშოროთ სიმძიმე და კვლავ გამოვაცხოთ 5 წუთი.
გამომცხვარი ტარტალეტკები ან ტარტი ამოვავსოთ ჩვენთვის სასურველი კრემით ( წაიკითხეთ რეცეპტი )და მოვრთოთ მარწყვით ან სხვა კენკროვანით.
