ღეს, პროგრამა „მცირე კავკასიის ალიანსების პროგრამის“ (ALCP) წარმომადგენლები მარნეულის გამგეობაში არსებულ პირუტყვის დაავადებების კონტროლისა და კატასტროფების რისკის შემცირების სამუშაო ჯგუფის წევრებს შეხვდნენ.
შეხვედრის მიზანს სამუშაო ჯგუფის ფუნქციების დეტალური გაწერა და სამომავლოდ განსახორციელებელი ღონისძიებების დაგეგმვა წარმოადგენდა.
როგორც შეხვედრისას აღინიშნა, პირუტყვის დაავადებების კონტროლისა და კატასტროფების რისკის შემცირების სამუშაო ჯგუფის ფუნქციები მოიცავს ეფექტური ეპიზოოტური საკარანტინო ღონისძიებების განხორციელებას; პირუტყვის გადასარეკი ტრასის მონიტორინგს/პატრულირებას სეზონური გადარეკვის დროს კონფლიქტის თავიდან აცილების მიზნით; ინფორმაციის მიღებას მოსახლეობისგან სპეციალური „ცხელი ხაზის“ მეშვეობით და სხვა მნიშვნელოვანი ღონისძიებების გატარებას.
აღსანიშნავია, რომ სამუშაო ჯგუფების საქმიანობა – „ქვემო ქართლის რეგიონის განვითარების სტატეგია 2014–2021“– ის ფარგლებში ხორციელდება, – მცირე კავკასიის ალიანსების პროგრამა „მერსი ქორფსის“ დახმარებით.
ამასთანავე, ქვემო ქართლის სახელმწიფო რწმუნებულ– გუბერნატორი ქმნის პირუტყვის დაავადებების კონტროლისა და კატასტროფების რისკის შემცირების რეგიონულ სამუშაო ჯგუფს, რომლის წევრები მუნიციპალიტეტებში შექმნილი სამუშაო ჯგუფის ხელმძღვანელები არიან.
მსგავსი აქტივობებით, ქვემო ქართლის რეგიონი ქმედით ნაბიჯებს დგამს ევროპასთან ასოცირების ხელშეკრულების და შესაბამისი ქართული კანონმდებლობის აღსრულების პროცესში.
„მცირე კავკასიის ალიანსების პროგრამას“ შვეიცარიის განვითარებისა და თანამშრომლობის სააგენტო (SDC) აფინანსებს და მერსი ქორფსი ახორციელებს.