ჯემალ თოფურიძე

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის გეოგრაფია-გეოლოგიის ფაკულტეტი 1971 წელს. 

1970–1974წწ. მუშაობდა საქართველოს მეცნიერებათა აკადემიის ეკონომიკისა და სამართლის ინსტიტუტში; 1974–1978წწ. – შოთა რუსთაველის სახელობის ქართული ლიტერატურის ინსტიტუტში; მოთხრობების წერა სტუდენტობისას დაიწყო. მისი ნაწარმოებები ძირითადად ქვეყნდებოდა "ცისკარსა" და "ლიტერატურულ საქართველოში": "ნუციკო ემხვარი", "ლექსო", "თედოს ოცნება", "დაბადება", "კაცი", "მარტო". ჯ. თოფურიძე ე. წ. ურბანისტული პროზის წარმომადგენელია. მისი მოთხრობები მძაფრი ტკივილიანი განცდებითაა აღბეჭდილი, სავსეა მძიმე ცხოვრებისაგან შეჭირვებული ადამიანის თანაგრძნობით. მისი ნაწარმოებების მიხედვით გადაღებულია მოკლემეტრაჟიანი ფილმები: "ნუ მოიწყენ შემოდგომისას" (1979, რეჟ. ზ. ინაშვილი), "გამოუსწორებელი" (1987, რეჟ. თ. მენაბდე), "მათთვის, ვინც მამამ მიატოვა" (1989, რეჟ. ზ. ურუშაძე). ტრაგიკულად დაიღუპა ავტოკატასტროფის შედეგად.

წყარო: საქართველო: ენციკლოპედია: ტ. IV. -თბ., 2018. -გვ.102

• 1979 - საქართველოს მწერალთა კავშირის პრემია, წლის საუკეთესო მოთხრობისათვის (სიკვდილის შემდეგ)
  დიოსკურია ზღვაში ჩაძირული ქალაქია : მოთხრობები / ჯემალ თოფურიძე .- თბილისი : საქართველო, 1994. - 148გვ.

• გამოუსწორებელი : მოთხრობები (ავტორი). - თბილისი, მერანი, 2003. - 249გვ.. - ISBN: 99928-947-1-7
• დიოსკურია ზღვაში ჩაძირული ქალაქია : მოთხრობები (ავტორი). - თბილისი, საქართველო, 1994. - 148გვ.. - ISBN: 5-529-00916-6