ბელა ქებურია

დაბადების ადგილი: დაბა ჩხოროწყუ, ჩხოროწყუს მუნიციპალიტეტი.

დაამთავრა ბათუმის შ. რუსთაველის სახელობის სახელმწიფო პედაგოგიური ინსტიტუტი 1981 წელს; 1988-1989წწ. ასპირანტურის სტაჟირება გაიარა თბილისის ივ. ჯავახიშვილის სახელობის სახელმწიფო უნივერსიტეტში, ჯერ XIX, ხოლო შემდეგ XX საუკუნის ქართული ლიტერატურის ისტორიის კათედრებზე.

მუშაობდა საქართველოს რადიოს ახალგაზრდულ გადაცემათა რედაქციის - "სიჭაბუკის" ჟურნალისტად; 1982 წლიდან ბათუმის შ. რუსთაველის სახელობის სახელმწიფო უნივერსიტეტში ლექტორად; პარალელურად, ამავე უნივერსიტეტის ახალგაზრდა მწერალთა წრის, ხოლო შემდეგ ლიტერატურული სალონის ხელმძღვანელად; დამფუძნებელი და მთავარი რედაქტორია ქართველი მწერლების: ფრიდონ ხალვაშისა და ზურაბ გორგილაძის სახელობის ნორჩ შემოქმედთა პოეზიის კონკურს "ზღვაურისა" (2012) და ლიტერატურული ჟურნალ "ზღვაურის" (2011); მისი ლექსები შესულია ქართული პოეზიის, ქართული საბავშვო პოეზიისა და სომხურ ენაზე გამოსული თანამედროვე ქართული პოეზიის ანთოლოგიებში, ეს უკანასკნელი ორჯერ, 2007 და 2017 წ. ერევანში გამოიცა; ლექსები თარგმნილია ინგლისურად, ფრანგულად, გერმანულად, სომხურად, რუსულად, უკრაინულად, თურქულად, აზერბაიჯანულად, ესპანურად და ბერძნულად; თავადაც ნათარგმნი აქვს ვილიამ ვორდსვორთის (ინგლისი), აჟდარ ოლის (აზერბაიჯანი), გაგიკ დავთიანის (სომხეთი), ვეისელ ჩოლაქის, ლეილა იშიქისა და ათაოლ ბეჰრამოღლუს (თურქეთი) ლექსები პწკარედების მეშვეობით; წერს სცენარებს; ატარებს მასტერკლასებს, შემოქმედებით საღამოებს, როგორც ბათუმში, ისე საქართველოს სხვადასხვა კუთხეში, ასევე უცხოეთში (საბერძნეთში: სალონიკსა და ათენის ქართული კულტურის, თურქეთში, სტამბოლის ქართული ენის ცენტრში, სომხეთში საქართველოს მწერალთა დელეგაციასთან ერთად ერევანსა და გორისის უნივერსიტეტში; 2019 წლის 24 თებერვალს ერთობლივი შემოქმედებითი საღამო ტულუზაში (საფრანგეთში), ხოლო 3 მარტს ბურგოსში ქართველთა სათვისტომოსთვის, ესპანეთში მცხოვრებ კომპოზიტორ მაია სიჭინავასთან ერთად); როკ-ჯგუფ "КОН ГО"-ს კომპოზიტორმა და ხელმძღვანელმა ს. გოლუბევმა ბელა ქებურიას ლექსებზე 12 სიმღერა შექმნა. მისი ლექსები აამღერეს კომპოზიტორებმა მანანა ხორავამ (საგუნდო), ზვიად ბოლქვაძემ, მინდია ხითარიშვილმა, მანანა გაბაიძემ და დავით შვანგირაძემ (ჰიმნი ქუთაისს); ესპანეთში მცხოვრებმა ქართველმა კომპოზიტორმა და მომღერლმა მაია სიჭინავამ-კი 6 სიმღერა. გახდა "რჩეული შემოქმედის" (აჭარის მწერალთა ორგანიზაციისგან) წოდების მფლობელი, ხოლო აჭარის ა/რ განათლების, კულტურისა და სპორტის სამინისტროსგან - მადლობის სიგელი დაიმსახურა; 9 ლიტერატურული პრემიის ლაურეატია, მათ შორის: თამარ მეფის ენდალმა (საქართველოს მწერალთა კავშირისა და ხელოვანთა ოქროს ფონდისგან ქართულ მწერლობაში შეტანილი განსაკუთრებული წვლილისთვის), უწმიდესისა და უნეტარესის ილია მეორის სახელობის პრემია ბავშვთა ლიტერატურული კონკურსის - "სიკეთის ხისგან" - მომავალი თაობის წინაშე გაწეული ღვაწლისათვის (პოეზიის კონკურს "ზღვაურისა" და ლიტერატურული ალმანახ "ზღვაურის" გამო), "პოეზიის დღე - შოთაობის" (მესხეთი) "უქიმერიონისა" (ქუთაისი), ჟურნალ "ოლეს" (კახეთი); მიუზიკლისთვის "ფიფქია და შვიდი ჯუჯა" მიღებული აქვს აჭარის ა/რ განათლების სამინისტროს სიგელი; "მადლიერების სერთიფიკატი" ( შპს "გორდა", 2014), სხვადასხვა ღონისძიებებში მონაწილეობისა და მომავალი თაობის შემოქმედებითი კუთხით განვითარებაში შეტანილი წვლილისათვის; "ბათუმის დამსახურებული მოღვაწე" (2014); აჭარა-ლაზეთის სადროშოს კულტურის სამსახურის კოორდინატორი; ლიტერატურული ფესტივალის "ზე-კართან" საპატიო ყაბალახისა და "მაჭახლობის" საპატიო ქამრის მფლობელი; სხვადასხვა საქველმოქმედო ფონდის წევრი; 8 წიგნის ავტორი, 10 წიგნის თანაავტორი, 20-მდე წიგნის რედაქტორ-შემდგენელი.

 წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.78

• თამარ მეფის სახელობის ფონდის ბათუმის ფილიალი, თანადამფუძნებელი
• საქართველოს მწერალთა კავშირი, წევრი
• საქართველოს ჩოხოსანთა დასი, წევრი
• საქველმოქმედო ფონდი "საკურთხევლი", ვიცე-პრეზიდენტი
• ფაზისის საერო-სამეცნიერო აკადემია, ნამდვილი წევრი

• ტბელ აბუსერისძის სახელობის პრემია
• ილია ჭავჭავაძის სახელობის პრემია
• მარიკა ბარათაშვილის სახელობის პრემია
• ზურაბ გორგილაძის სახელობის პრემია

• მთვარის გემბანზე : კრებული (ავტორი). - ბათუმი, ს.ს. "გამომცემლობა აჭარა", 2015. - 360გვ.. - ISBN: 9789941460180
• ჩემს ცისარტყელებს ჩამოათოვა : ლექსები (ავტორი). - თბილისი, ინოვაცია, 2010. - 160გვ.. - ISBN: 9789941915680
• მოდით გაღიმებულს მომისწარით : ლექსები (ავტორი). - ბათუმი, ალიონი, 2005. - 272გვ.. - ISBN: 9992843551
• აქ ამ ყოფიერ დედამიწაზე : ლექსები (ავტორი). - ბათუმი, აჭარა, 2001. - 188გვ.. - ISBN: 9992844671