გია ძნელაძე

დაამთავრა თბილისის შოთა რუსთაველის სახელობის სახელმწიფო თეატრალური ინსტიტუტი (დოდო ალექსიძის სახელოსნო) 1974 წელს.

1974-1977წწ. იყო მოზარდ მაყურებლის თეატრის მსახიობი. 1978 წლიდან კი რუსთაველის თეატრის მსახიობი იყო. ამ თეატრში შესრულებული სცენური სახეებია ნიკიტა ("მეუფება წყვდიადისა"), ზურიკო ("როლი დამწყები მსახიობი გოგონასთვის"), ლენკოვი ("ლურჯი ცხენები წითელ ბალახზე"), ვალერი ("ტარტიუფი ანუ მეფეა დარბაზში"), თენგიზი და ბანდიტი ("ვარიაციები თანამედროვე თემაზე"), მირზა გელოვანი ("რექვიემი"), წამყვანი ("მშვენიერი ქართველი ქალი"), ზაზა ნაკაშიძე ("საბრალდებო დასკვნა"), ედგარი, ედმუნდი ("მეფე ლირი") და სხვა. მონაწილეობდა ფილმებში: ბათა ქექია (1978), ყვარყვარე (1978, სტუდენტი), უკვდავების თეთრი ვარდი (1984), ბანდიტი აგურის ქარხნიდან (1983, ფხინკო), ქართველები ცაში (1984, სოსო), მამაკაცები (1985), მეთორმეტე ღამე, ანუ როგორც გენებოთ (1986), ბრავო, ალბერ ლოლიშ! (1987), გამოცხადება (1988), ხაფანგი (1992), მოკვეთილი (1992, ელიზბარი), შემსრულებელი (1994, უშანგი). 1994 წლის 27 სექტემბერს თეატრმა სეზონი პრემიერით გახსნა. რობერტ სტურუამ მაყურებელს ი. გოგებაშვილის "დედა ენის" მიხედვით დადგმული სპექტაკლი "იაკობის სახარება" წარუდგინა. ეს წარმოდგენა უკანასკნელი აღმოჩნდა მსახიობ გია ძნელაძისთვის. პრემიერის შემდეგ ტრაგიკულად დაიღუპა ავტოკატასტროფაში.

წყარო: ქართული კინო, ვებ-გვერდი: georgian-cinema.ge