თეონა ქუმსიაშვილი

დაბადების ადგილი: დაბა სიონი, თიანეთის მუნიციპალიტეტი.

2007–2010 წლებში მონაწილეობდა ქართული ხალხური სიმღერის ფესტივლებზე: "ხევსურული საღამო" და "არტგენი";  2007 წელს ანსამბლ "შავნაბადა"-სთან ერთად იმყოფებოდა ფესტივალზე თურქეთში; სახელი გაითქვა თავისი უნიკალური ხმითა და მუსიკალური კომპოზიციების შესრულებით; გამოცემული აქვს სოლო ალბომები: 2005 წელს - "პირიმზე", 2009 წელს - "მარტო სიმღერით გითხარ ამდენი სიყვარული"; 2010 წლის 22 ივლისს, ათენგენობიდან (მთიელთა უძველესი დღესასწაული, რომელიც გაიმართა სოფელ მუცოში), მომავალი ავტომობილი, რომელშიც იჯდა თეონა ქუმსიაშვილი 2 მცირეწლოვან ვაჟთან, დასთან და კიდევ 3 ადამიანთან ერთად, ავტოკატასტროფაში მოჰყვა; ავტომობილი მდინარე არღუნის ხეობაში გადაიჩეხა; კატასტროფის შედეგად დაიღუპა თეონა ქუმსიაშვილი თავის ორ მცირეწლოვან ვაჟთან ერთად; კატასტროფის შედეგად დაიღუპა თეონას დაც; ყოველი წლის 27 იანვარს იმართება თეონა ქუმსიაშვილისადმი მიძღვნილი საღამო; ქართული ხალხური სიმღერების, საკუთარი ფოლკლორული კომპოზიციების შემსრულებელი; იყო ანსამბლ "სიონის ზარების" სოლისტი.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.321-322; pc-pdx.com