თამარ ცაგარეიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი 1979 წელს.

1980-2005 წლებში მუშაობდა საქართველოს ტელევიზიისა და რადიომაუწყებლობის სახელმწიფო კომიტეტში; იყო რედაქტორი, ავტორი და წამყვანი გადაცემათა შემდეგი ციკლებისა: "გავუფრთხილდეთ ეროვნულ საუნჯეს", "საუბრები არქეოლოგიაზე", "საუბრები ლიტერატურაზე - მოსწავლეთათვის" (1980-1992); დილის ყოველდღიური, საინფორმაციო-მუსიკალური პროგრამა "ალიონი" (1992-1996), "მაღლა, დაღმავალი კიბით" - დოკუმენტური ვიდეო ფილმი (1993), რადიო "მწვანე ტალღა", თოქ-შოუ "პერპეტუმ-მობილე" (1996-1997), ყოველკვირეული თოქ-შოუ "რეტრო (პერ) სპექტივა" (1996-1999), ყოველკვირეული თოქ-შოუ "100 გრადუსზე ცელსიუსით" (1999-2001), ყოველკვირეულ გადაცემათა ციკლი "მიამბეთ, თქვენზე" (2001-2002), ყოველკვირეული გადაცემა "მე-8 სართული" (2006). 2006 წლიდან თამარ ცაგარეიშვილმა, საქართველოს სახალხო არტისტთან გიორგი ხარაბაძესთან ერთად დაიწყო მუშაობა აუდიოპროექტზე "სიტყვა.ჯი". ის არის კონცეფციის ავტორი, რედაქტორი და პროდიუსერი შემდეგი აუდიო-წიგნებისა: ახალი აღთქმა, "ვეფხისტყაოსანი", ვაჟა, ილია, აკაკი, გალაკტიონი, 63 ლექსი, რუსი პოეტები საქართველოს შესახებ, ქართული ზღაპრები (2006); "აუდიო-ბიბლია", ბიბლიის სრული აუდიო ვერსია ქართულ ენაზე (2009); აუდიო-წიგნი "აკაკი წერეთელი - 170" (2010), აუდიო-პროექტი - "წმინდა ნინოს ცხოვრება და ქართველთა მოქცევა" (2010),  აუდიო-წიგნი "ვაჟა-ფშაველა - 150" (2010), "ოთარ ჭილაძე - 80" (2012), აუდიო-ვიდეო პროექტი "გალაკტიონი" (2013), აუდიო-პროექტი "მეზღაპრე ხომალდი" -  მსოფლიო ხალხთა ზღაპრები (2013), თამაზ ჭილაძის - "რჩეული" (2018); 2008 წლიდან არის რადიო "პალიტრის" პროგრამების ხელმძღვანელი; მიჰყავდა საზოგადოებრივი თოქ-შოუ "ჩვენ", ყოველკვირეული ტელე-რადიო თოქ-შოუ "სახალხო დარბაზი", ყოველკვირეული ტელეგადაცემა "არამექანიკური ფორთოხალი"; 2005-2018 წლებში მისი რედაქტორობით გამოვიდა გიორგი არაბაძის 10 წიგნი; 2016 წლიდან თანამშრომლობს გამომცემლობა "პალიტრა L"- თან; არის შემდეგი ბიოგრაფიული წიგნების ტექსტის ავტორი სერიიდან  "50 პერსონა, რომლებმაც შეცვალეს მსოფლიო": "სერვანტესი" (2016), "აინშტაინი" (2017), "კლეოპატრა" (2017); თამარ ცაგარეიშვილი 1998 წლიდან ეწევა პედაგოგიური საქმიანობას სხვადასხვა უმაღლეს სასწავლებლებში: ტელე-რადიო მაუწყებლობის ინსტიტუტი (1998-2006), რეკლამის, მას-მედიისა და ტელეხელოვნების კოლეჯი (2006-2009), გრიგოლ რობაქიძის სახელობის უნივერსიტეტი (2009 წლიდან); კითხულობს ჟურნალისტიკის შესავალს, ტელე-რადიო გადაცემების ტექსტისა და სცენარის მომზადებას, წაყვანის ხელოვნებას, დაგეგმვას, მართვას (მენეჯმენტს, წარმოებას, პროდიუსინგს). იგი არის ორმოცამდე პუბლიკაციის ავტორი, რომლებიც სხვადასხვა დროს დაიბეჭდა შემდეგ ჟურნალ-გაზეთებში: "კვირის პალიტრა", "ლიტერატურული პალიტრა", ....და ქალი", "ათიანი", "ბომონდი", "ლიტერატურული საქართველო", "ლიბერალი". არის ჟურნალისტთა საერთაშორისო ფონდის პრემიის,"ოქროს ფრთის" ლაურეატი; მირებული აქვს სატელევიზიო ფესტივალი "მანას" პრიზი, როგორც"საუკეთესო ტელეწამყვანს", ასევე მიღებული აქვს საქართველოს ჟურნალისტთა ფედერაციის პრიზები "მაღალპროფესიული პუბლიცისტური საქმიანობისთვის", "აქტუალური თოქ-შოუს- რეტრო/პერ/სპექტივის" წაყვანისთვის", "ჟურნალისტიკის განვითარებაში შეტანილი წვლილისთვის". ასოცირებული პროფესორი.

წყარო: ჰუმანიტარული და სოციალური მეცნიერებების სკოლა: gruni.edu.ge; ჟურნალი "კარიბჭე": karibche.ambebi.ge