თამარ გაგოშიძე

დაბადების ადგილი: ქ. თბილისი.

დაამთავრა მოსკოვის სახელმწიფო უნივერსიტეტის ფსიქოლოგიის ფაკულტეტი 1980 წელს; 1980-1983წწ. - მოსკოვის სახელმწიფო უნივერისტეტის ასპირანტი სპეციალიზაციით: სამედიცინო ფსიქოლოგია.

1984-1987წწ. - დიმიტრი უზნაძის სახელობის ფსიქოლოგიის ინსტიტუტის უმცროსი მეცნიერ-თანამშრომელი; 1986-1987წწ. - თბილისის სახელმწიფო უნივერსიტეტის ზოგადი ფსიქოლოგის კათედრის მასწავლებელი; 1987-1997წწ. – პეტრე სარაჯიშვილის სახელობის ნევროლოგიისა და ნეიროქირურგიის ინსტიტუტის ნეიროფსიქოლოგი; 1987-1999წწ. - თბილისის სახელმწიფო უნივერსიტეტის ზოგადი ფსიქოლოგიის კათედრის დოცენტი; 1999 -2005წწ. - ამავე უნივერსიტეტის ზოგადი ფსიქოლოგიის კათედრის პროფესორი; 2002-2012წწ. - გამოცდების ეროვნული ცენტრის კვლევის დეპარტამენტის კონსულტანტი; 2005-2017წწ. - ნევროლოგიისა და ნეიროფსიქოლოგიის ინსტიტუტის ყოფილი ეპილეფსიის კონტროლისა და პრევენციის სამეცნიერო-პრაქტიკული ცენტრის კლინიკური ნეიროფსიქოლოგიის სამსახურის ხელმძღვანელი; 2005-2014წწ. - თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის ნეირო და კოგნიტური ფსიქოლოგიის მიმართულების სრული პროფესორი; 2015 წლიდან - ფსიქოლოგიისა და განათლების მეცნიერებათა ფაკულტეტის დეკანი. სამეცნიერო ნაშრომების ავტორი. სამეცნიერო კვლევის ინტერესები: ბავშვის განვითარების დარღვევების ნეიროფსიქოლოგიური დიაგნოსტიკა; განმავითარებელი მასტიმულირებელი პროგრამების შემუშავება სწავლის უნარის დაქვეითების მქონე ბავშვებისათვის; აუტისტური სპექტრის აშლილობების დიაგნოსტიკა; ბავშვის განვითარების დარღვევების სარეაბილიტაციო მიდგომებისა და მეთოდების ეფექტურობის შეფასება; მეტყველებისა და კომუნიკაციის დარღვევის მქონე ბავშვების ფსიქოლოგიური და სწავლის პრობლემები; პირველადი დემენციების ნეიროფსიქოლოგიური დიაგნოსტიკა; ქალა-ტვინის ტრავმის ნეიროფსიქოლოგიური სარეაბილიტაციო პროგრამების შემუშავება; ეპილეფსიის ნეიროფსიქოლოგიური და ფსიქო-სოციალური პრობლემები. ფსიქოლოგიის მეცნიერებათა დოქტორი (1997), პროფესორი.

სადოქტორო დისერტაციის თემა - "პარკინსონიზმის ნეიროფსიქოლოგიური პრობლემები", დაიცვა 1997 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.594; თბილისის სახელმწიფო უნივერსიტეტი: tsu.ge

• ფსიქომეტრული და საკონსულტაციო ასოციაცია, პრეზიდენტი (1996-)

• მეტი, ვიდრე ინფორმაცია : საჯარო ლექციების ციკლიდან (თანაავტორი) // კრებული 1. - თბილისი, თბილ. უნ-ტის გამ-ბა, 2018. - 124გვ.
• პოლიტიკური დისკურსი - მსმენელზე ორიენტირებული ფსიქოლინგვისტური ხელოვნება (ავტორი). - თბილისი, 2016. - 150გვ.. - ISBN: 9789941465314
• ინკლუზიური განათლების პრინციპები (თანაავტორი). - თბილისი, ნეკერი, 2008. - 188გვ. . - ISBN: 9789941404054
• პრაქტიკული მუშაობა ბავშვებთან (ავტორი) // წ. 2, ბავშვის განვითარების მასტიმულირებელი სავარჯიშოები . - თბილისი, შპს "სიესტა", 2007. - 60გვ. . - ISBN: 9789941903298
• ბავშვის ფსიქიკური განვითარების დარღვევები (ავტორი). - თბილისი, ნეკერი, 2007. - 334გვ. . - ISBN: 9789994098699