თამაზ ხუციშვილი

დაბადების ადგილი: ქ. ბორჯომში.

საშუალო სკოლის დამთავრების შემდეგ ჩაირიცხა უკრაინაში ქალაქ ხარკოვის უნივერსიტეტში (ХИИКС) სამშენებლო ფაკულტეტზე; დაამთავრა საქართველოს პოლიტექნიკური ინსტიტუტი სამშენებლო ფაკულტეტი და მიენიჭა ჰიდროტექნიკურ ნაგებობათა მშენებლის კვალიფიკაცია 1969 წელს.

1969 წელს მუშაობა დაიწყო საქართველოს სასოფლო მშენებლობის სამინისტროს №1 ტრესტის №1 მოძრავ-მექნიზებულ კოლონაში ჯერ ოსტატად, შემდეგ სამუშაოთა მწარმოებლად; 1970 წლიდან იყო იმავე მექანიზებულკოლონაში ტექნიკური განყოფილების უფროსად; 1982-1991წწ. იყო ჯერ 34-ე მოძრავ-მექანიზირებული კოლონის მთავარი ინჟინერი, შემდეგ გარდაბნის მოძრავ-მექანიზებულ კოლონის მთავარი ინჟინერი; 1998 წლიდან ისევ №1 ტრესტის ტექნიკური განყოფილების უფროსი ინჟინერია; 1992 წელს საქართველოს პოლიტექნიკურ ინსტიტუტში გაიარა კვალიფიკაციის ასამაღლებელი კურსები და პრაქტიკულად მუშაობდა სამშენებლო კონსტრუქციების და მასალების ხარისხის დადგენის თანამედროვე მეთოდებზე; მისი მონაწილეობითა და ხელმძღვანელობით აშენდა სოფლის მეურნეობის მრავალი ობიექტი: მეფრინველეობის ფაბრიკა თელეთსა და გამარჯვებაში, მეცხოველეობის ფერმა კრწანისში, მეთაფლეობის ცენტრი ოქროყანაში და სხვა; აღსანიშნავია მისი მონაწილეობა სხვადასხვა ობიექტების მშენებლობაში: სტიქიით დაზარალებულთათვის საცხოვრებელი სახლების აშენება გარდაბანში; საცხოვრებელი სახლის მშენებლობა თბილისში ვაჟა-ფშაველას გამზირზე და ნუცუბიძის ქუჩაზე, ვაკეში ბარნოვის ქუჩაზე საჩვენებელი საბავშვო ბაღის აშენება; მისი ხელმძღვანელობითაა აშენებული ეკლესიები ი. ჯავახიშვილის სახელობის უნივერსიტეტის ეზოში და გარდაბანში; მაღალ დონეზე იქნა შესრულებული საქართველოს საპატრიარქოს შენობის რემონტი და გალავნის აღდგენა; გარდაბნის ეკლესიის მშენებლობისას თავდადებული და კეთილსინდისიერი მუშაობისათვის იგი დაჯილდოვდა საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 329