აღდგომის დღესასწაულთან დაკავშირებით, დედაქალაქი ტრადიციულად დაცარიელდა. ამ თემას კი სოციალურ ქსელში არაერთი ხუმრობა მოჰყვა. თბილისში დარჩენილთა ნაწილი წერს, თუ რა კარგია სიწყნარე და ცარიელი ქუჩები, საცობების გარეშე. თემას ეხმიანება ფსიქოლოგი ნათია ფანჯიკიძე და წერს, რომ ქალაქი ხმაურს, დუღილს, ჭრელ ხალხს ნიშნავს:
"რა კარგია ცარიელი ქუჩები, რა კარგია ცოტა ხალხი, რა კარგია სიწყნარეეე" - ყველამ, ვინც ამას ამბობს, უნდა გააცნობიეროს, რომ დროა გადასახლდეს სოფელში და დაგვასვენოს, ვინც ჯერ კიდევ ვახერხებთ ხმაურში ცხოვრებას. ქალაქი ნიშნავს ბუღს და დუღილს, ჭრელ ხალხს, მილიონობით სტუმარს, ხმაურს, საცობებს და ათას სხვა სიხარულს, რაც ხალხმრავლობას მოაქვს.
ასე რომ, "სოფლელი" ის კი არაა, ვისაც სოფლად სახლი აქვს, არამედ ის, ვისაც სიწყნარე უნდა. მე ვარ პოტენციური სოფლელი, მაგრამ ეს დრო რომ დამიდგება, თქვენ კი არ გეტყვით, ხმაური მომბეზრდა და გადასახლდითმეთქი, მე წავალ სიწყნარეში, მე", - აღნიშნავს ფანჯიკიძე.
ვიდეო რეკლამა
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე