მედიცინის დოქტორი დავით ნიკოლეიშვილი საქართველოში ლაპაროსკოპიული უროლოგიის დამფუძნებელია. ონკოლოგიისა და ლაპაროსკოპიული უროლოგიის ექსპერტი არასდროს იხევდა უკან ინოვაციების, ახალი ქირურგიული ტექნოლოგიების ათვისებისა და პრაქტიკაში დანერგვისგან. „ამერიკული ჰოსპიტალი თბილისის“ სამედიცინო დირექტორის მოადგილემ და უროლოგიური დეპარტამენტის ხელმძღვანელმა სამედიცინო კარიერა საქართველოში დაიწყო, რასაც მოჰყვა პოსტდიპლომური განთლება საერთაშორისო სამედიცინო დაწესებულებებში. უროლოგიის საფუძვლებს ის უროლოგიის ეროვნულ ცენტრში სრულყოფილად დაეუფლა. ლაპაროსკოპიის და ენდოსკოპიის მწვერვალებს კი - ლაიპციგის საუნივესიტეტო კლინიკის უროლოგიის დეპარტამენტში.