გადაუდებელი ქირურგია ყველაზე რთული მიმართულებაა ქირურგიაში, სადაც ექიმს ხშირად არასტანდარტული გადაწყვეტილებები წამებში აქვს მისაღები. ექსტრემალურ და კრიტიკულ სიტუაციებში მუშაობის 30 წლიანი გამოცდილება აქვს მედიცინის აკადემიურ დოქტორს, ასისტენტ-პროფესორ გიორგი ხეროდინაშვილს. ის 24 საათის განმავლობაში ხელმისაწვდომია პაციენტებისთვის. თვლის რომ, ექსტრემალურ ვითარებაში ადამიანების გადარჩენა და საუკეთესო შედეგის მიღება მხოლოდ გუნდური მუშაობითაა შესაძლებელი. გიორგი ხეროდინაშვილი პროფესიონალი ქირურგია, რომელიც „ამერიკული ჰოსპიტალი თბილისის“ ურგენტული ქირურგიის მიმართულებას ხელმძღვანელობს. გიორგი ხეროდინაშვილი წლების წინ, საქართველოს რესპუბლიკის შეიარაღებული ძალების ცენტრალურ ჰოსპიტალში მუშაობდა, შემდეგ - „აკადემიკოს ღუდუშაურის სახელობის ეროვნულ სამედიცინო ცენტრში“, მოგვიანებით „ნიუ ჰოსპიტალის“ ქირურგიულ სამსახურს ხელმძღვანელობდა, ბოლოს კი „ევექსის“ ტრავმა-ჰოსპიტლის ქირურგიულ დეპარტამენტის უფროსი იყო.