"მანჩესტერი" "ბარსელონელებს" იწვევს
ინგლისური "მანჩესტერ იუნაიტედი" აპირებს, "ბარსელონაში" შექმნილი ქაოსი სათავისოდ გამოიყენოს და კატალონიური კლუბის ფეხბურთელები გადაიბიროს.
რამდენიმე დღის წინ, "ბარსელონამ" მასიური ცვლილებები ოფიციალურად დააანონსა, რაც იმას ნიშნავს, რომ "ბლაუგრანას" არაერთი ფეხბურთელი დატოვებს. კლუბის პრეზიდენტმა, ჟოზეპ მარია ბართომეუმ, ცოტა ხნის წინ, ხელშეუხებელი მოთამაშეები დაასახელა, რომელთა შორის არიან ლიონელ მესი, მარკ-ანდრე ტერ შტეგენი, ფრენკი დე იონგი, უსმან დემბელე, კლემან ლანგლე, ნელსონ სემედუ და ანტუან გრიზმანი.
Mundo Deportivo-ს მიერ გავრცელებული ინფორმაციის თანახმად, "მანჩესტერი" კატალონიელთა 4 ფეხბურთელის, კერძოდ, სამუელ უმტიტის, უსმან დემბელეს, არტურო ვიდალისა და ივან რაკიტიჩის შეძენის სურვილს გამოთქვამს, თუმცა "წითელ ეშმაკრებს" დემბელეზე უარის თქმა მოუწევთ, რადგან ის უკვე ხელშეუხებელ მოთამაშედ მოიაზრება. რაც შეეხებათ უმტიტის, ვიდალსა და რაკიტიჩს, ისინი, დიდი ალბათობით, "ბლაუგრანას" დატოვებენ.
ამ სიახლეზე კომენტარები გათიშულია.
კომენტარები [ 8 ]