ცოტა რამ ბათუმის შესახებ

ბათუმი დასავლეთ საქართველოში, აჭარაში მდებარეობს. ქალაქის სახელწოდება „ბათუმი“ მოდის სიტყვიდან (ბერძ. Bathus) — „ბათუსი“, რაც ღრმას ნიშნავს.
ის ულამაზესი ზღვისპირა ქალაქია მოელვარე სანაპიროებითა და მომხიბვლელი გარემოთი. ბათუმის ტერიტორია ჯერ კიდევ ბრინჯაოს ხანაში იყო დასახლებული. აქ ცხოვრება დუღდა ანტიკურ ხანაშიც და მოსახლეობას სავაჭრო კავშირები ჰქონდა მეზობელ და შორეულ ქვეყნებთან. უძველესი ისტორია, მსუბუქი და დინამიური არქიტექტურა, მზიანი სანაპირო, ბულვარი, ბათუმის ბოტანიკური ბაღი, უგემრიელესი აჭარული სამზარეულო და მრავალი გასართობი, კულტურული თუ დასასვენებელი ადგილი შეუდარებელს ხდის ამ ქალაქს და უამრავ დამსვენებელსაც იზიდავს.