ბრეკეტები ორსულობის დროს: როგორ მოვიქცეთ?

სტატიის შინაარსი შემოწმებულია ექიმი სტომატოლოგი ვახო ჯგერენაიას მიერ

სარჩევი

Შეიძლება ვატარო ბრეკეტები ორსულობის დროს?

ბრეკეტებს შეუძლიათ დაგვეხმარონ კბილების გასწორებაში როგორც ზრდასრულ და ასევე მოზარდის ასაკში. მაგრამ რას ურჩევენ ორთოდონტები ქალებს ისეთი ცხოვრების ისეთ მნიშვნელოვან სტადიაზე, როგორიც ორსულობაა?

რა არის ბრეკეტები?

ბრეკეტები არის სამედიცინო მოწყობილობა, რომელიც მაგრდება თქვენს კბილებზე და მიზნად ისახავს თქვენი კბილების ნელ გადაადგილებას მათ საბოლოოდ გასწორებამდე..

”ადამიანთა უმეტესობა ფიქრობს, რომ ორთოდონტიული მკურნალობის მთავარი სარგებელი ლამაზი ღიმილის შეძენაა,” – ამბობს კენ დილეჰეი, კანზასელი ორთოდონტი და ამერიკის ოფთალმოლოგიის აკადემიის პრეზიდენტი. ისინი არ ცდებიან. ”მაგრამ ორთოდონტიული მკურნალობა, პირველ რიგში, ხელს უწყობს კბილების გამართულ ფუნქციონირებას და ქმნის ჯანსაღ ღიმილს”, – ამბობს ის.

კბილების გასწორება აადვილებს საკვების ღეჭვას, საუბარს და ასევე კბილების ჰიგიენას, რადგან არასწორად კბილების გაწმენდა უფრო რთულია და დროთა განმავლობაში იწვევს კბილების მდგომარეობის გაუარესებას რამაც შესაძლოა კბილების დაკარგვამდეც მიგვიყვანოს. ბრეკეტების გამოყენება აუცილებლობა არ არის, თუმცა ორთოდონტიული მკურნალობის უგულებელყოფამ შეიძლება გამოიწვიოს უფრო ძვირადღირებული სტომატოლოგიური ჩარევის აუცილებლობა.

უსაფრთხოა ბრეკეტების გამოყენება ორსულობის დროს?

ექსპერტები თანხმდებიან, რომ არ არსებობს მნიშვნელოვანი სამედიცინო მიზეზი რის გამოც თავი უნდა აარიდოთ ორსულობის დროს ორთოდონტიულ მკურნალობას. თუმცა არსებობს ერთი ფაქტორი რომელიც უნდა გაითვალისწინოთ, რომ ორთოდონტიული მკურნალობა ხშირად მოითხოვს პირის ღრუს დიაგნოსტიკური რენტგენის გამოყენებას. არ არსებობს დადასტურებული კვლევა, რომლის მიხედვითაც ორთოდონტიული რეტგენის მცირე რადიაციამ შეიძლება ხელი შეუშალოს ნაყოფის უჯრედების განვითარებას ან გაზარდოს თანდაყოლილი დაავადებების რისკი, თუმცა რასაკვირველია აღნიშნული ფაქტორი ყურადღებას მოითხოვს. „საერთო ჯამში, სტომატოლოგიური რენტგენის სხივების ზემოქმედების რაოდენობა ძალიან დაბალია და არ ითვლება საზიანო თქვენთვის ან თქვენი ნაყოფისთვის“, – ამბობს დოქტორი და დასძენს, რომ თქვენმა ორთოდონტმა უნდა დაიცვას უსაფრთხოების წესები რეტგენის გადაღებისას.

ორსულობის დროს ბრეკეტების გამოყენების სარგებელი

პრაქტიკული თვალსაზრისით, შესაძლოა გონივრული იყოს ბავშვის დაბადებამდე ბრეკეტების ტარება. ამ გზით თქვენ თავიდან აიცილებთ ბავშვთან ერთად ორთოდონტთან რეგულარ ვიზიტებზე მისვლის უხერხულობას . (მაგრამ გაითვალისწინეთ, რომ კბილების გასწორებას შეიძლება უფრო მეტი დრო დასჭირდეს, ვიდრე ბავშვის დაბადება, ამიტომ ორსულობის დროს დაწყებული ორთოდონტიული მკურნალობა შეიძლება დასრულდეს მას შემდეგ, რაც მშობელი გახდებით.)

გირჩევთ გაეცნოთ: ბრეკეტების გვერდითი მოვლენები

სამედიცინო თვალსაზრისით, ორსულობა არ არის ცუდი დრო ბრეკეტების ასაღებად, რადგან ამ დროს თქვენი კბილები შეიძლება უფრო მიდრეკილი იყოს მოძრაობისკენ, თუმცა ასევე უნდა გაითვალისწინოთ, რომ ზოგიერთ ქალს შეიძლება ჰქონდეს კბილების მინანქრის დაშლისკენ მიდრეკილება ორსულობის დროს (და ეს შემთხვევა არცთუ ისე იშვიათია).

ორსულობის დროს ბრეკეტების ტარების უარყოფითი მხარეები

მიუხედავად იმისა, რომ წარმატებულმა ორთოდონტიულმა მკურნალობამ შეიძლება გააუმჯობესოს თქვენი თავდაჯერებულობა და ხელი შეუწყოს პირის ღრუს ჯანმრთელობას, დროებითი გვერდითი მოვლენები მრავლადაა და ისინი შეიძლება მეტად გამოხატული იყოს ორსულობისას.

ღრძილების გაღიზიანება

ორსულობა ზრდის ღრძილების დაავადების რისკს, რომელიც ცნობილია როგორც გინგივიტი, ხოლო ბრეკეტები ართულებს წმენდისა და მკურნალობის პროცესს. პირის ღრუს ჯანმრთელობის ამ პრობლემებმა შეიძლება გაზარდოს ნაყოფის დაბალი წონისა და ნაადრევი დაბადების რისკი.

კვების შეზღუდვები

საიდუმლო არ არის, რომ ორსულებისას გარკვეული დიეტური შეზღუდვები შეიძლება დაგჭირდეთ, ბრეკეტების გამოყენება კიდევ უფრო შეამცირებს მისაღები საკვების არჩევანს.

დისკომფორტი

კბილებისა და ღრძილების მგრძნობელობა ორსულობასთან ერთად იზრდება. კბილები ოდნავ უფრო მგრძნობიარე ხდება ორსულობის დროს ტემპერატურის ცვლილებების მიმართ. ბრეკეტებმა შეიძლება გააძლიეროს პირის ღრუს დისკომფორტი, მაშინ როცა ორსულობის დროს ტიპიური ტკვილგამაყუჩებლების გამოყენება შეზღუდულია, შესაბამისად ფეხმძიმობის დროს ბრეკეტების მიერ გამოწვეული დისკომფორტის ტკივილის მართვა შეიძლება გაძნელდეს. ორსულობის დროს თავიდან უნდა იქნას აცილებული არასტეროიდული ტკივილგამაყუჩებლები, როგორიცაა იბუპროფენი. მიუხედავად იმისა, რომ ადრე ითვლებოდა, რომ აცეტამინოფენი უსაფრთხოა ორსულობის დროს გამოსაყენებლად, ახალი კვლევის მიხედვით, მას შეუძლია შეცვალოს ნაყოფის განვითარება გარკვეული ნევროლოგიური, რეპროდუქციული და უროგენიტალური დარღვევების რისკის გაზრდის ზრდით. „ორსულობის დროს აცეტამინოფენის ზემოქმედების შესახებ მზარდმა შეშფოთებამ აიძულა ზოგიერთი ექსპერტი რეკომენდაცია გაუწიოს მის გამოყენებას მინიმალური და დაბალი თერაპიული დოზით“, – ამბობს დოქტორი ჩიშოლმი.

ორსულობის დროს იყენებენ ორთოდონტიულ ცვილს და თბილი მარილიანი წყლით ჩამობანის მეთოდს, ასევე რეკომენდირებულია ნაყინი, სმუზი და რძის კოქტეილი, რომლებსაც შეუძლიათ გაგრილების გზით ტკივილის შემსუბუქება.

ასევე გირჩევთ გაეცნოთ: ღრძილის რეცესია: მიზეზები და მკურნალობა