რუსეთის შეჭრის შედეგად უკრაინის შეიარაღებული ძალების 40-ზე მეტი ჯარისკაცი დაიღუპა
...
უკრაინის პრეზიდენტის აპარატის უფროსმა მრჩეველმა ალექსეი არესტოვიჩმა განაცხადა, რომ 24 თებერვლის ღამის შემდეგ რუსული არმიის სარაკეტო თავდასხმის შედეგად 40-ზე მეტი უკრაინელი სამხედრო დაიღუპა. აღნიშნულის შესახებ მან პრეზიდენტის ადმინისტრაციაში გამართულ ბრიფინგზე ისაუბრა.
არესტოვიჩმა თქვა, რომ შეიარაღებული ძალების 40-ზე მეტი სამხედრო მოსამსახურე დაიღუპა სამხედრო ობიექტებზე და კრიტიკულ ინფრასტრუქტურაზე რუსული სარაკეტო დარტყმის შედეგად.
გარდა ამისა, უკრაინის ხელისუფლებას აქვს მონაცემები მშვიდობიანი მოსახლეობის მსხვერპლის შესახებ, საუბარია, 10-მდე მშვიდობიანი მოქალაქის დაღუპვაზე.
არესტოვიჩის თქმით, ყველაზე მძიმე ვითარებაა გაერთიანებული ძალების ოპერაციის ზონაში ლუგანსკისა და დონეცკის რეგიონებშია, სადაც მძიმე ბრძოლები უკრაინის შეიარაღებულ ძალებსა და რუს ოკუპანტებს შორის ამ წუთებში გრძელდება.