ფრიკასე ქათმის ხორცით

უგემრიელეს სოუსში დამზადებული ქათმის ხორცი ტრადიციული ფრანგული კერძია. სუფრაზე გარნირთან ერთად გააქვთ. დამზადების დრო: 45 წთ. ულუფა: 4-6.

ინგრედიენტები:

• ქათმის ხორცი  1,5კგ ( ბარკლები, გადანაჭერი);
• მარილი, პილპილი  გემოვნებით;
• კარაქი  2ს/კ;
• ხახვი  1თ;
• ნიორი  1კბილი;
• ფქვილი  2ს/კ;
• თეთრი ღვინო  150მლ;
• დაფნის ფოთოლი  1ც;
• დაფქული ბეგქონდარა  0,5ჩ/კ;
• სტაფილო  1ც;
• პრასი  2ღერი;
• ნაღები  1/2ჭ;

მომზადების წესი:

გავრეცხოთ ქათმის ხორცი, წავუსვათ მარილი, პილპილი და კარაქში შევწვათ. იმავე ტაფაში მოვშუშოთ მსხვილად დაჭრილი ხახვი. დავამატოთ დაკეპილი ნიორი. 5 წთ შევწვათ. ტაფაში ჩავამატოთ ფქვილი, ბეგქონდარა, დაფნის ფოთოლი, ღვინო ჩავასხათ და საშუალო ცეცხლზე მოვშუშოთ 20 წთ. დაჭრილი სტაფილო მოვხარშოთ 1 წთ, პრასი  4 წთ. დავამატოთ ქათმის ხორცს,  მარილი და პილპილი დავამატოთ, დავასხათ ნაღები და კიდევ 2 წთ ვშუშოთ. ფრიკასე ქათმის ხორცით სუფრაზე ცხელი გავიტანოთ. გემრიელად მიირთვით!