ძალზე ეფექტური და გემრიელი კერძია და გაახალისებს თქვენს სტუმრებს. დამზადების დრო: 20 წთ.
ინგრედიენტები:
- ძეხვი „სერველატი“ 100გრ;
- ქამა სოკო 7-9ც;
- ტარტალეტკა 6-7ც;
- კარტოფილი 3-4ც;
- მჟავე კიტრი 2ც;
- ხახვი 1თავი;
- ზეთი 2-3 ს/კ;
- მაიონეზი 2ს/კ;
- კამა 1კონა;
მომზადების წესი:
კარგად გავრეცხოთ სოკო. მოვხარშოთ კარტოფილი, გავაცივოთ და გავარჩიოთ. წვრილად დაჭრილი სოკო და ხახვი მოვთუშოთ ზეთში 3-4 წუთი. რამოდენიმე სოკო ცალკე შევბრაწოთ, ჯამში ჩავხეხოთ კარტოფილი, ჩავყაროთ დაჭრილი ძეხვი და მჟავე კიტრი, დავამატოთ სოკო და მაიონეზი, მოვურიოთ, ეს სალათი ჩავდოთ ტარტალეტკებში, ზემოდან მოვრთოთ დაჭრილი კამიტა და სოკოთი. გემრიელად მიირთვით!