ბრიტანეთის პრინცესა ქეით მიდლტონი, ჯანმრთელობის მდგომარეობიდან გამომდინარე კლინიკაში მოხვდა, სადაც ოფიციალური ცნობებით, კიდევ ორი კვირა დარჩება.
სამეფო ოჯახმა გამოაქვეყნა მიმართვა და საზოგადოებას აცნობა, რომ მიდლტონმა მუცლის ღრუს ოპერაცია ჩაიტარა, თუმცა მეტ დეტალს არ აკონკრეტებენ.
„ქეითს იმედი აქვს, რომ საზოგადოება გაგებით მოეკიდება მის სურვილს, სამედიცინო ინფორმაცია კონფიდენციალური დარჩეს. პრინცესას იმედი აქვს, რომ მალე აღიდგენს ძალებს, რადგან მის სამუშაოზე ბევრი ადამიანია დამოკიდებული“, - აღნიშნულია სამეფო ოჯახის მიმართვაში.
ქეით მიდლტონი 9 იანვარს 42 წლის გახდა.
აგრეთვე დაგაინტერესებთ: