თეთრი ჟასმინი, საოცრად სურნელოვანი, ჰარმონიული სურნელით, სწორედ ივნისის თვიდან ყვავილობს ბუჩქისებრად, ტენიან ნიადაგზე.
როდესაც ამ ფოტოებს ვიღებდი ერთი ისტორია გამახსენდა ჟასმინთან დაკავშირებული.:”ყვავილებს შორის განსაკუთრებულად, თურმე, ჟასმინი უყვარდა, ბატონ მუხრან მაჭავარიანს, - ჭეჭკეტას რა სჯობსო, - ამბობდა (იმერეთში ჟასმინს ჭეჭკეტას ეძახიან)! მისი გარდაცვალების მესამე დღეს, ზუსტად საღამოს 8-ის ნახევარზე, სწორედ იმ დროს, სული უფალთან რომ უნდა წარმდგარიყო, თითქოს რაღაცისთვის უნდა მიესწროო, თბილისში, მისი სახლის კიბეზე 6 წლის უცნობმა ბიჭმა აირბინა, ჟასმინის ტოტით, აქოშინებული შევარდა ოთახში, სადაც მიცვალებული ესვენა და ცხედარს ტოტი დაადო, წრე დაარტყა და გავარდა. მერე გაუკითხავთ და ის ბავშვი სხვა ქუჩის მცხოვრები აღმოჩნდა... დაკრძალვამდე სკოლის ბავშვებმაც ჟასმინის თაიგულები მიიტანეს სამძიმარზე. მეცხრე დღე კი სულთმოფენობას დაემთხვა და მთაწმინდის ტაძარში შეკვეთილ წირვაზე მისმა შვილიშვილმა ანიკამ შენიშნა, ყველანი ჟასმინებით მოფენილ იატაკზე რომ იდგნენ. მოგვიანებით წაუკითხავს ანიკას: თურმე, ღვთისმშობელი რომ მიიცვალა, ქრისტეს უსაყვარლეს მოწაფეს, იოანე ღვთისმეტყველს ჟასმინი ეკავა ხელში...”
გარდა სურნელისა, ჟასმინის სასარგებლო თვისებებსაც ვერ ავუვლით გვერდს, ჟასმინის ჩაი ხომ რელაქსაციის ერთ -
ერთი საუკეთესო საშვალებაა.