გერმანულმა ტუნინგ ატელიე G-Power–მა, რომელიც ბავარიული კონცერნის, BMW–ს ავტომობილების გაუმჯობესებით არის დაინტერესებული, ინტერნეტ სივრცეში გაავრცელა ყველაძე მძლავრი და სწრაფი BMW M3–ს ინფორმაცია და ფოტოები, რომელსაც კომპანიამ Tornado RS უწოდა. სამწუხაროდ უცნობია ზუსტი დანამატები, თუმცა ვიცით, რომ ატელიემ ავტომობილს სხვა დეტალებთან ერთად, ახალი სუპერჩარჯერი დაუმატა და ყველაფრის შედეგად 4 ლიტრიანი აგრეგატის სიმძლავრე 720 ცხენისძალამდე გაიზარდა ხოლო მბრუნავმა მომენტმა 700 ნიუტონმეტრს მიაღწია. ასეთი ცხენების და ძალიან მსუბუქი წონის დახმარებით M3 Tornado RS 0–100 კმ/სთ–მდე 3,7 წამში, 0–200 კმ/სთ–მდე 9,5 წამში ჩქარდება და ავითარებს მაქსიმალურ 330 კმ/სთ–ს. SK III "Sporty Drive" Supercharger სისტემა €35,000 ევრო ღირს, თუმცა მასში არ შედის დაყენების და სხვა დეტალების საფასური, რომელთა დახმარებითაც M3–მა 720 ცხენი მიიღო, ასე რომ უცნობია თუ რა ღირს ასეთი შესაძლებლობების Tornado RS–ი. სხვა ინფორმაცია და ფოტოები ამ მომენტისათვის ხელმიუწვდომია.
|