„აქლემი და ვირი“ იგავ- არაკი სულხან-საბა-ორბელიანი პრეზენტაციის ავტორი : დაწყებითი კლასების მასწავლებელი ელისო ჯანელიძე
ერთი აქლემი და ერთი ვირი, ტვირთის ზიდვით, რომ ზურგი ჰქონდათ გადატყავებული , დაძმობილდნენ და პატრონს გაეპარნენ.
კარგი საძოვარი მონახეს და კარგადაც გასუქდნენ. გადაავიწყდათ ადრინდელი სიმჭლევე და გადატყავებული ზურგები.
-ძმაო სიმღერა მინდა-უთხრა ვირმა აქლემს. აქლემმა დაუშალა: -ნუ ძმაო, არ გახსოვს რა ჭირში ვიყავითო? ვაი , თუ ახლო-მახლო ადამიანები იყვნენ, წაგვასხამენ და უარესი გვიყონო.
არ დაიჯერა ვირმა და დაიყროყინა. ძალიან ხმამაღალი სიმღერა გამოუვიდა.
თურმე იქვე ახლოს მოგზაურები ისვენებდნენ, აქლემები და ვირები დასცვივნდათ. გაიგონეს ვირის ყროყინი და გაიქცნენ.
მივიდნენ და ნახეს უპატრონოდ გაშვებული მსუქანი აქლემი და ვირი. წაიყვანეს და ორივეს მძიმე ტვირთი აჰკიდეს.
გზა გაგრძელდა. ვირი დაიღალა და დადგა. მგზავრებმა ასწიეს ვირი და თავისი ტვრითიანად მის ძმობილ აქლემს დაადგეს. ცოტა ხნის შემდეგ ერთ ვიწრო გზაზე გავიდნენ, რომელიც დიდ კლდეს მიუყვებოდა.
აქლემმა უთხრა ვირს: -ძმაო, მინდა ერთი დავროკდე და სამაია ვიცეკვოო. ვირმა მიუგო: -რა სამაიას საცეკვაო ადგილი აქ არისო? აქლემმა უთხრა: -იმისთანა სიმღერას, ამისთანა სამაიას ცეკვა მოუხდებაო!
ჩაიმუხლა გაბრაზებულმა და ვირი კლდეზე გადააგდო.
გმადლობთ ყურადღებისთვის!