მედიკო კარტოზია

მედიკო კარტოზია  – დაიბადა 1950 წლის 9 იანვარს. დაამთავრა 53-ე სკოლა  მედალზზე, შემდგომ ჩააბარა სახელმწიფო სამედიცინო უნივერსიტეტში. ასევე დამთვარებული აქვს მესამე მუსიკალური სკოლა. პროფესიით მიკრო პედიატრია და 27 წელი პალატებში სიმღერით შედიოდა,  შესაბამისად  ბავშვები მასთან არასდროს ტიროდნენ. გამორჩეული ქალაქური სიმღერების შემსრულებელს ბავშვობაში სიმღერაზე არ უფიქრია… პირველად გამოიყვანეს ოლიმპიადაზე  სიმღერით – „ყაზბეგი რა ტურფა სანახავია“ თავად იწყებდა სოლოს, თუმცა ძალიან ცელქი იყო და მშობლები ხშირად აშინებდნენ, რომ სცენაზე რამე არ ჩაედინა. განსაკუთრებით მეხანძრეების ეშინოდა, ერთ ერთ ოლიმპიადაზე მეხანძრე დაინახა და მიკროფონს შემოეხვია, მთელი ღამის გატარება კი დირექტორის კაბინეტში მოუწია დასჯის მოლოდინში. როდესაც მიიყვანეს მუსიკალურ წრეზე პედაგოგს უთქვამს: „ეს ბავშვი მომეცით და ლაურეატს გავხდიო“. ასეც მოხდა, ყველა მელოდიას სმენით იმახსოვრებდა.  ბედნიერ ბავშვობის წლებს სტუდენტობა მოყვა, პარალელურად ოჯახი შექმნა და უნივერსიტეტი ორ შვილთან ერთად დაამთავრა. შვიდი მეგობარი ბიჭი და ორი გიტარა – მეგობრების წრე ხშირად იკრიბებოდა, მის შექმნილ სიმღერებს არჩევდნენ და ასრულებდნენ, წარმოდგენაც კი არ ქონდა საკუთარ პოპულარობაზე, რომ არა ერთი გვიანი თბილისური საღამო, მედიკო კარტოზია კეკელიძის ქუჩაზე ცხოვრობდა, ძილში საკუთარი სიმღერა ჩაესმა: „როდესაც ავდექი და ფანჯრიდან გადავიხედე რამოდენიმე ბიჭი დავინახე გიტარით ხელში ჩემ სიმღერას ასრულებდნენ გულიანად, „ ვიმღეროთ ისე , რომ გაიგოს მთელმა უბანმა“ , (ამ სიმღერის ტექსტი ნახევარი დოდო გვიშიანს ეკუთვნის მუსიკა და მეორე ნახევრი ქალბატონ მედიკოს) მეც მივეცი ხმა ფანჯრიდან და ასე შემოგვათენდა, ამ დროს გავაცნობიერე, რომ პოპულარობა თავისით მოვიდა და ჩემ სიმღერებს ხალხი მღეროდა“, – იხსენებს მომღერალი. ამბობს, რომ სიმღერამ აიყვანა სცენაზე და არა პირიქით. ხშირად გამოდიოდა კონცერტებზე, სამი შემოქმედებითი საღამო ჩაატარა. გამოუშვა ორი საავტორო ალბომი „ იასამანს დაეკარგა ფერი“ და „ დარდიანი ყარაჩოღელი“. გამოშვებული აქვს ლექსების კრებული „ როცა გიტარას ძინავს“ მემკვიდრეობას შვილები და შვილიშილი აგრძელებს. ნანობს, რომ ბევრი სიმღერა დაკარგა რომელსაც ექსპრომტად ასრულებდა, თუმცა მისი შემოქმედებით მრავალი თაობა დატკბება.