გინესის რეკორდების წიგნის თანახმად, მადრიდის რესტორანი ბოთინი (Botin) ყველაზე ძველი მოქმედი რესტორანია მსოფლიოში, რომელმაც მუშაობა ჯერ კიდევ 1725 წელს დაიწყო. მაგრამ ბევრ სხვა რესტორანსაც უძველესის წოდებაზე სრულიად სამართლიანად აქვს პრეტენზია.

St. Peter Stiftskeller – das Restaurant (წმინდა პეტრეს მონასტრის სარდაფი). ზალცბურგი, ავსტრია

ეს რესტორანი უძველესად მიიჩნევა ცენტრალურ ევროპაში. რესტორანი წმინდა პეტრეს მონასტრის კედლებში ამოქმედდა. მის შესახებ ცნობები 803 წლის ხელნაწერებშია დაცული, ანუ გამოდის, რომ მისი ასაკი 1200 წელს აჭარბებს!

რესტორანი Zum Franziskaner – სტოკჰოლმი, შვედეთი

ეს რესტორანი გერმანელმა მონარქებმა 1421 წელს დააარსეს. აქაური მენიუს მთავარი კომპონენტები ავსტრიული ლუდი და ძეხვია. ინტერიერი ძალიან სასიამოვნოდაა მოწყობილი და სტუმრებს მეგობრული საუბრებისთვის განაწყობს.

La Tour d’Argent  – პარიზი, საფრანგეთი

თავად რესტორნის მფლობელები ირწმუნებიან, რომ ის 1582 წელს დაარსდა და მას ხშირად სტუმრობდა მეფე ჰენრიხ IV. თუმცა რესტორანი პირველად მხოლოდ 1860 წელს პარიზში გამოცემულ გზამკვლევშია მოხსენიებული.

Die Letzte Instanz – ბერლინი, გერმანია

ყველა თანხმდება, რომ ეს ბერლინის უძველესი რესტორანია, რომელიც 1525 წელს ამოქმედდა. Zur Letzten Instanz-ს ხშირად სტუმრობდნენ ცნობილი ადამიანები – ნაპოლეონი, ბეთჰოვენი და სხვ.

A La Petite Chaise – პარიზი, საფრანგეთი

ეს რესტორანი ჯერ კიდევ 1680 წლიდან იყო პოპულარული. ჯორჯერ რამო აქ ყიდდა ღვინოს და სხვადასხვა საჭმელს.

Sobrino de Botín – მადრიდი, ესპანეთი

ეს რესტორანი, არსებული ინფორმაციით, 1725 წელს დაარსდა. გინესის რეკორდების წიგნში ის შეტანილია, როგორც მსოფლიოში ყველაზე ძველი სასადილო. მხატვარი ფრანსისკო დე გოია იქ მიმტანად მუშაობდა, როცა ხელოვნების სამეფო აკადემიაში მიღებას ელოდა. რესტორანი ესპანელმა ჯეიმს ბოთინმა დააარსა და თავიდან მას სხვა სახელი – Casa Botín ერქვა.

Tavares Rico – ლისაბონი, პორტუგალია

Tavares Rico 1784 წელს გაიხსნა და ლისაბონის ყველაზე ძველ რესტორნად მიიჩნევა. ის ამჟამად ცნობილია, როგორც ერთ-ერთი ყველაზე ძვირი რესტორანი.

Rules Restaurant – ლონდონი, გაერთიანებული სამეფო

ეს რესტორანი 1798 წელს გაიხსნა და ლონდონის ყველაზე ძველ რესტორნად მიიჩნევა.

Union Oyster House – ბოსტონი, აშშ

რესტორანი 1826 წელს გაიხსნა და ყველაზე ძველია ამერიკის შეერთებული შტატების ტერიტორიაზე.

რესტორანი Яр – მოსკოვი, რუსეთი

რესტორანი 1826 წელს გაიხსნა. დღეისთვის ის მთლიანადაა აღდგენილი პირვანდელთან მიახლოებული სახით და მაშინდელ ატმოსფეროსაც ინარჩუნებს.