კვერცხის ნიღაბი 3-1-ში - დაჭიმული, მკვრივი და იდეალურად სუფთა კანი
16:00 ორშ. 26 აპრილი, 2021 წელი
კვერცხის ცილის ნიღაბი, რომელსაც დღეს გთავაზობთ, ნებისმიერი ასაკის ქალისთვისაა. ცილა დაგეხმარებათ გასუფთავებასა და კანის დაჭიმვაში, ხოლო კვერცხის გული დაატენიანებს კანს და ლეციტინის წყალობით მას სიჯანსაღეს შეუნარჩუნებს.
კვერცხის ნიღბის მოსამზადებლად საჭიროა:
კვერცხი - 1 ცალი
ქაღალდის ხელსახოცები
ფუნჯი, ჩანგალი და 2 ცალი პატარა ჯამი
მომზადება:
გატეხეთ კვერცხი. კვერცხის გული და ცილა ცალ-ცალკე ჯამებში მოათავსეთ. კვერცხის ცილა ჩანგლით ათქვიფეთ.
საგულდაგულოდ გაისუფთავეთ სახის კანი. შემდეგ, ფუნჯით შეიზილეთ კვერცხის ცილა. დაიფინეთ ზედ ხელსახოცის თხელი ფენა და შემდეგ, ხელსახოცზე ზემოდან კვლავ გადაისვით დარჩენილი ცილა.
დაელოდეთ 20-30 წუთი, რათა ნიღაბი ბოლომდე გაშრეს. შემდეგ, ხელსახოცის კიდეს მოჰკიდეთ ხელი და ნიღაბი სახიდან ჩამოიშორეთ. შესაძლოა, უსიამოვნო შეგრძნება გქონდეთ, მაგრამ ეფექტი გაძლებად ნამდვილად ღირს.
შემდეგ, კვერცხის ათქვეფილ გულს დაამატეთ ცოტაოდენი ქოქოსის ან ზეითუნის ზეთი და შეიზილეთ სახის კანზე. დაელოდეთ 10 წუთი და თბილი წყლით ჩამოიბანეთ.
პროცედურა შეგიძლიათ ჩაიტაროთ კვირაში 1-2-ჯერ.
თუკი მშრალი კანი გაქვთ, ნიღბით სარგებლობის შემდეგ შეიზილეთ მკვებავი კრემი.
ასევე საინტერესოა 🔰:
◻️ კვერცხის ცილა ნაოჭებისთვის - აქვს თუ არა უკუეფექტები?
სიახლეები ამავე კატეგორიიდან