ხაჭოს პასკის 3 განსხვავებული რეცეპტი
პასკა რიტუალური დესერტია, რომელსაც მნიშვნელოვანი დატვირთვა აქვს აღდგომის სადღესასწაულო სუფრაზე. პასკის კონუსის ფორმა ქრისტიანებისთვის წმინდა მთას - გოლგოთას განასახიერებს. სწორედ ამ მთაზე აღესრულა იესო ქრისტე მოწამებრივად.
თეთრი ხაჭო მიწის სიმბოლოა საიქიო ცხოვრებაში: - „იქ, სადაც მოედინება რძე და თაფლი“. ხაჭოს პასკის უამრავი რეცეპტი არსებობს. ტრადიციული რეცეპტი ყველასთვის ნაცნობია. აღდგომის დღესასწაულის მოახლოვებასთან დაკავშირებით, „ნიკორას“ შვილობილი კომპანია - „დღის პროდუქტები“ გემრიელი ხაჭოს პასკის უჩვეულო რეცეპტებს გვიზიარებს. „დღის პროდუქტებს“ ქართველი მომხმარებელი კარგად იცნობს. რძის პროდუქტებს კომპანია 2003 წლიდან აწარმოებს. ბრენდის მთავარი ფასეულობა დაფუძნებულია ჯანმრთელი, ეკოლოგიურად სუფთა პროდუქციის წარმოებაზე. ერთ-ერთი მნიშვნელოვანი კომპონენტი, რაც პროდუქციის მაღალ ხარისხს განაპირობებს, ეს არის საუკეთესო ნედლეული, რომელსაც ბრენდი მსოფლიოს წამყვან კომპანიებიდან იღებს.
4 საიდუმლო გემრიელი ხაჭოს პასკის მოსამზადებლად:
1. პასკის მოსამზადებლად გამოიყენეთ მხოლოდ ცხიმიანი ხაჭო (არანაკლებ 6%-ისა).
2. მომზადებამდე, ხაჭო გადაიტანეთ საწურში. შემდეგ კი დააბლენდერეთ.
3. სპეციალურ ფორმაში ჩააფინეთ მარლის 2 ფენა. ფორმა მოათავსეთ დიდ ღრმა თეფშზე. ფორმაში მოათავსეთ ხაჭოს პასკის მასა. მარლის ზედა ნაწილები გადაკეცეთ და ზემოდან სიმძიმე დაადეთ. პასკა წნეხის ქვეშ უნდა მოექცეს და მაცივარში მინიმუმ 12 საათი ინახებოდეს. შრატი პასკის ფორმის ქვედა ხვრელების მეშვეობით თანდათანობით თეფშში ჩაედინება, რომელიც პერიოდულად უნდა გადაღვაროთ.
4. ცუკატები, ქიშმიში და ჩირი წინასწარ, 10 წუთით ცხელ წყალში ჩაყარეთ. შემდეგ გაწურეთ და გააშრეთ. მხოლოდ ამის შემდეგ შეურიეთ ხაჭოს მასას.
ქვემოთ წარმოდგენილ რეცეპტებში გამოყენებულია შემდეგი „დღის პროდუქტები“
1. შოკოლადის პასკა
ინგრედიენტები:
- 540 გ. 6%-იანი ხაჭო
- 3 კვერცხის გული
- 100 გ. შაქარი
- 50 გ. ნაღების კარაქი
- 30 გ. თეთრი შოკოლადი
- 50 გ. რძიანი შოკოლადი
- 60 გ. შავი შოკოლადი
- 140 გ. ცხიმიანი ნაღები
მომზადების წესი:
1. ათქვიფეთ მიქსერით ხაჭო, კვერცხის გულები, შაქარი და დარბილებული კარაქი. მასა მოათავსეთ ქვაბში და დადგით დაბალ ცეცხლზე. გამუდმებით ურიეთ პირველი ბუშტუკების გაჩენამდე. არ აადუღოთ!
2. როდესაც გაგრილდება, გაატარეთ ბლენდერში.
3. მასა დაყავით 3 ნაწილად. ყოველი მომდევნო ნაწილი წინაზე ნაკლები უნდა იყოს. ყველაზე პატარას დაუმატეთ დამდნარი თეთრი შოკოლადი, საშუალოს - რძიანი, ხოლო დიდ მასას - შავი. სამივე მასა გააცივეთ მაცივარში.
4. ცივი ნაღები გათქვიფეთ მიქსერით. შეურიეთ სამივე გაცივებულ მასას და კარგად აურიეთ. პასკის ფორმაში ჩააფინეთ მარლა. ჩადეთ ჯერ თეთრშოკოლადიანი ნაწილი, შემდეგ - რძიანი და ბოლოს - ყველაზე მუქი. დაადეთ სიმძიმე და შეინახეთ მაცივარში მინიმუმ 12 სთ-ის განმავლობაში.
2. ხაჭოს პასკა ალუბლით
ინგრედიენტები:
- 350 გ. ცოცხალი ან გაყინული ალუბალი (კურკის გარეშე)
- 200 გ. შაქარი
- 350 გ. ხაჭო 18%-იანი („დღის“)
- 200 გ. შაქარი
- 350 გ. ალუბალი
- 150 გ. ნაღების კარაქი
- ცუკატები, ქიშმიში, თხილი - გემოვნებით
მომზადების წესი:
1. გადაიტანეთ ალუბალი ქვაბში, მოაყარეთ შაქარი და დადგით ნელ ცეცხლზე. ურიეთ, მიიყვანეთ სიროფი ადუღებამდე. დაუკელით ცეცხლს და ხარშეთ 7-10 წთ, შესქელებამდე.
2. გადადგით ქვაბი და გააცივეთ. ათქვიფეთ მიქსერით ხაჭო და დარბილებული კარაქი. დაუმატეთ გაცივებული ალუბალი და კიდევ ერთხელ დააბლენდერეთ ერთგვაროვანი მასის მიღებამდე.
3. სურვილისამებრ, დაუმატეთ ცუკატები ან ქიშმიში და თხილი. მასა გადაიტანეთ ფორმაში და მოათავსეთ მაცივარში, წნეხის ქვეშ.
3. ხაჭოს პასკა შესქელებული რძით
ინგრედიენტები:
- ხაჭო 6%-იანი 500 გ
- მოხარშული შესქელებული რძე 200 გ.
- შოკოლადი (გახეხილი) 30 გ.
- არაჟანი 20%-იანი 150 გ.
- ნაღების კარაქი 100 გ.
მომზადების წესი:
1. ღრმა ჯამში შეურიეთ ხაჭო და არაჟანი. ათქვიფეთ ბლენდერით. მასა უნდა გახდეს ერთგვაროვანი.
2. დაადნეთ ნაღების კარაქი. ჩაასხით ხაჭოს მასაში და კიდევ ერთხელ ათქვიფეთ.
3. დაუმატეთ მოხარშული შესქელებული რძე. და ბოლოჯერ ათქვიფეთ.
4. ბოლოს შეურიეთ გახეხილი შოკოლადი, ან შოკოლადის ღილები და ნაზად ამოურიეთ საკონდიტრო სილიკონის ნიჩბით (ან კოვზით).
5. ფორმაში ჩააფინეთ მარლა და გადაიტანეთ მასა. შემოუკეცეთ მარლა და დაადეთ სიმძიმე. შედგით მაცივარში 12 სთ. დროდადრო გადააქციეთ შრატი თეფშიდან.
6. პასკის ფორმა ამოაბრუნეთ თეფშზე, ნაზად გამოიღეთ მზა პასკა და შემოაცალეთ მარლა. მორთეთ სურვილისამებრ, თხილით, ცუკატებით, ქიშმიშით ან შოკოლადით. გემრიელად მიირთვით!
ამ 3 რეცეპტიდან რომელი მოგეწონათ ყველაზე მეტად?