სახალხო დამცველის უჩა ნანუაშვილი ე.წ. ციანიდის საქმის დახურულ სხდომას დაესწრება. მისი თქმით, დახურულ პროცესზე წვდომა აქვს და შესაბამისად, პროცესზე დასწრებას მოითხოვს.
სახალხო დამცველის თქმით, ყველა განცხადება, რომელიც დეკანოზ გიორგი მამალაძესთან დაკავშირებით კეთდება, დასაბუთებული უნდა იყოს.
„სახალხო დამცველს აქვს უფლება, განახორციელოს მონიტორინგი. გვაქვს წვდომა ყველა ხელისუფლების და თვითმმართველობის ორგანოებზე და გვაქვს უფლება, შევიდეთ და ადამიანის უფლებებს დავაკვირდეთ. სახალხო დამცველს დახურულ პროცესზეც გააჩნია წვდომა.
ყველა განცხადება, რომელიც დეკანოზზე კეთდება, სათანადოდ უნდა იყოს დასაბუთებული. მნიშვნელოვანია, ამ პროცესში დამოუკიდებელი და ნეიტრალური ორგანოს მონაწილეობა“, - განაცხადა უჩა ნანუაშვილმა.
ე.წ. ციანიდის საქმეზე სასამართლო 11:00 საათზე განახლდება. საქალაქო სასამართლოში სხდომა დახურულ რეჟიმში წარიმართება.