თურქული, დაბალბიუჯეტიანი ავიაკომპანია AtlasGlobal-ი თბილისი-სტამბოლი-თბილისის მიმართულებაზე ფასდაკლების აქციას აცხადებს. როგორც ავიაკომპანიის საქართველოს წარმომადგენლობაში განმარტავენ, AtlasGlobal-ის ფასდაკლების აქცია 10 იანვრიდან იწყება. თბილისი-სტამბოლის ორმხრივი ავიაბილეთის ფასი 109 ევროა და აღნიშნული ტარიფი ხელბარგთან ერთად მოიცავს 30 კგ-იან ბარგს და კვებას. აქცია 10 იანვრიდან 30 მარტამდე პერიოდს შეეხება. დეტალებისათვის დარეკეთ AtlasGlobal-ის საქართველოს წარმომადგენლობაში 2 25 03 30.
შეგახსენებთ, რომ თურქული ავიაკომპანია AtlasGlobal-ი შეიქმნა 2001 წელს. ავიაკომპანია ბაზირებულია სტამბოლის ათათურქის საერთაშორისო აეროპორტში, თუმცა მომავალი წლიდან ის ბაზირებას სტამბოლისა მესამე აეროპორტში მოახდენს, რომელიც პირველ რეისებს 2018 წლის თებერვალში მიიღებს. AtlasGlobal-ი 2015 წლამდე მუშაობდა Atlasjet-ის სახელით.
AtlasGlobal-ი ფრენებს 50 მიმართულებით ასრულებს და მისი 90%-ანი წილი Öger Holdings-ის მფლობელობაშია.