როგორ შევასრულოთ სწორად ფასადის თბოიზოლაცია

ფასადის თბოიზოლაციის სისტემა კი ასე გამოიყურება:

1. გარე კედელი

2. ნალესის შემავსებელი გრუნტი – გამოიყენება გარე კედლის დასამუშავებლად, მისი ზედაპირის გასამაგრებლად და კედლის შეწოვის უნარიანობის შემცირების მიზნით.

3. ფასადის წებო – გამოიყენება თბოსაიზოლაციო მასალების (ქვაბამბა, XPS, EPS) მისაწებებლად.

4. დამათბუნებელი მასალა – ფასადის თბოიზოლაციისთვის შეიძლება გამოვიყენოთ:

• ქვაბამბა: თბოსაიზოლაციო შრედ ქვაბამბის გამოყენებით დამატებით ვიღებთ, 1. ხანძარუსაფრთხოებას; 2. ხმის იზოლაციას – აკუსტიკურ კომფორტს; 3. „მსუნთქავ კედელს“
• XPS იქს პი ესი: თბოსაიზოლაციო პროდუქტი, რომელიც დამზადებულია პოლისტიროლის ექსტრუზირების მეთოდით გაზისმაგვარი ორთქლწარმომქმნელისა და ტექნოლოგიური დანამატების დამატებით.
• EPS პენოპლასტი: ექსპანდირებული პენოპოლისტიროლი (პენოპლასტი) თბოსაიზოლაციო მასალაა, რომლის შემადგენლობაში არსებული ჰაერი არ ატარებს სითბოს და ხელს უწყობს სასურველი ტემპერატურის შენარჩუნებას სახლში ზამთარსა და ზაფხულში, რაც, ჯამში, ენერგოდანახარჯების შემცირების საშუალებას იძლევა.

5. დუბელი – გამოიყენება თბოიზოლაციის ფილების დასაფიქსირებლად.

6. ფითხი – გამოიყენება თბოიზოლაციის ფილების გარედან დასამუშავებლად.

7. არმირებული მინაბოჭკოვანი ბადე – გამოიყენება ფითხის გასამყარებლად, კედელზე ნახეთქების გაჩენის თავიდან ასაცილებლად.

8. გრუნტი – გამოიყენება ხდება საღებავის დატანამდე ფორების ამოსავსებლად.

9. დეკორატიული ფითხი – (მიუნხენი და ა.შ)  გამოიყენება ფასადის ზედაპირზე სხვადასხვა ფაქტურის მოსაწყობად, ძირითადი დანიშნულება ფასადის ვიზუალურად გალამაზებაა.

10. საღებავი – ფასადის საღებავი იცავს კედელს ნესტის შეღწევისგან, არის ატმოსფერული ნალექების მიმართ მედეგი.

11. პლასტმასის კუთხის პროფილი – იცავს ფასადის კუხეებს ნახეთქების გაჩენის თავიდან ასაცილებლად.

12. სამონტაჟო ქაფი – გამოიყენება ფასადზე კარ-ფანჯრების და ჩარჩოების მონტაჟის დროს ნაკერების ამოსავსებად, საიზოლაციოდ და დასამაგრებლად.