ინგლისური
პოინტერი ყველაზე ელეგანტური და საუკეთესო მონადირე ძაღლია. პოინტერის წარმოშობის შესახებ არსებობს უამრავი მოსაზრება.

1.ერთ-ერთი ვერსიით პოინტერი, 18-ე საუკუნის დასაწყისში შეიყვანეს ინგლისში, სადაც ის ესპანეთიდან და პორტუგალიიდან მოხვდა.

2.მეორე ვერსიით პოინტერის ჯიშის საფუძველი ესპანური მოკლებეწვიანი ნაგაზი გახდა, რომელიც XVIII საუკუნეში ინგლისში ჩამოიყვანეს, ინგლისელმა სელექციონერებმა ჩამოყვანილი ნაგაზები შეაჯვარეს სხვა ჯიშებთან (ფოქსჰაუნდებთან, გრეიჰაუნდებთან, სეტერებთან და სხვ.) და მიიღეს თანამედროვე პოინტერის მსგავსი ძაღლები. როგორც ჩანს, XIX საუკუნის დასაწყისში, დაამატეს იტალიური და ფრანგული ნაგაზების სისხლი, XIX საუკუნის შუა წლებისათვის პოინტერის ჯიშის ფორმირება დასრულდა.

3. მესამე ვერსიით პოინტერი გამოყვანილია ინგლისში, XVII_XVIII საუკუნეებში. ვარაუდობენ, რომ იგი პირველი კულტურული ჯიშია, რომლის მთავარი დანიშნულება გახდა მყარი ნაბულით სანადირო ობიექტის ადგილსამყოფელის მითითება.

პოინტერი მოძრავი ტემპერამენტი აქტიური და სწრაფი ძაღლია, აკეთებს ყველაზე მაგარ ნაბულს, “ქანდაკებად” იქცევა. პოინტერი საჭიროებს რბილ და მომთმენ წვრთნას. პოინტერს მშვენივრად შეუძლია ცხოვრება ქალაქში, თუმცა ესაჭიროება სივრცე და აქტიური ფიზიკური გაკვეთილები. ეს ჯიში მგრძნობიარეა სიცივისადმი და გაძლიერებული სინესტისადმი. აუცილებელია ბეწვის ყოველდღიური ვარცხნა.