JOWAI
Ka Marian Hills Secondary School, bad H.K Memorial Secondary School ki la ïoh ïa ka jingjop ha ka jingïakhun pre quarter na ka bynta ka lympung ïalehkai phutbol ba la tip kum ka “West Jaintia Hills District Level Inter School Subroto Mukherjee Cup Football Tournament 2023” ba la pynïaid da ka ophis treikam jong u District Sports Officer, West Jaintia Hills District. Ïa kane ka jingïalehkai la pynlong hapoh madan Kiang Nangbah Stadium, Jowai, West Jaintia Hills District.
Haba phai sha kate ka jingïakhun, ka Marian Hills Secondary School ka la pynliem noh da 2 la 0 ïa ka All Saints Diocesan Secondary School, katba ka H.K Memorial Secondary School ka la ïoh ïa ka jingjop da 2-1 ha ka jingïakhun pyrshah ïa ka David & Luis Rees Memorial School.
Shuh shuh ha ka jing-ïalehkai jong ki khynnah shynrang ba 14 snem, ka Lai Shnong Higher Secondary school ka la jop pyrshah ïa ka Riwar Jaintia S.O.G secondary school da 2 la 1, ka Ïalong Secondary school ka la jop da 3 la 1 kol lyngba ka tie breaker pyrshah ïa ka Jowai Government UP & RMSA School, ka Lumpyrtuh Secondary School ka la jop ïa ka Ummulong Presbyterian Higher secondary School da 2 la 1. Bad ha ka jingïalehkai kaba khatduh ha kane ka sngi ha ka liang jong ki khynnah shynrang kiba hapoh 17 snem, ka Saw Lyngdoh Higher secondary school ka la jop da 1 la 0 ïa ka Syiem Jingsuk Secondary school.
Ka jingïakhun pre quarter phainal mynta ka sngi na ka bynta ki khynnah kynthei ba hapoh 17 snem, kan long hapdeng ka Jaintia Higher Secondary School pyrshah ïa ka Kiang Nangbah Government Higher Secondary school, ka Police Public Secondary School pyrshah ïa ka Achievers Secondary School, ka Ummulong Presbyterian Higher secondary school pyrshah ïa ka Jowai Government UP & RMSA School, ka North Liberty Higher Secondary School pyrshah ïa ka Lumpyrtuh secondary school, ka Marian Hills Higher secondary school pyrshah ïa ka Laishnong Higher Secondary School bad ka jingïalehkai kaba khatduh kan long hapdeng ka Government Boys Higher Secondary school pyrshah ïa ka H.K Singh Memorial Secondary school.
