SHILLONG
Ka lympung ïalehkai jong ki khynnah skul kaba la tip kum ka ‘West Jaintia Hills District Level Inter School Subroto Mukherjee Cup Football Tournament 2023’ ba la pynïaid da ka ophis treikam jong u District Sports Officer, West Jaintia Hills District ka la ïaid sha ka sngi kaba saw mynta ka sngi ka 26 tarik Jylliew, ïa kane ka jingïalehkai la pynlong hapoh madan Kiang Nangbah Stadium, Jowai, West Jaintia Hills District.
Haba phai ha ki jingïalehkai pre quarter final jong ki khynnah shynrang ba 17 snem shynrang, ka S.N Lyngdoh Higher Secondary School ka la jop da 2 la 1 ha ka jingïakhun pyrshah ïa ka Jowai Presbyterian Higher Secondary, ka Nang HN Ryum Secondary School ka la jop da 3 la 2 kol ïa ka Mariah Hills Higher Secondary school.
Shuh shuh ha ka jingïalehkai jong ki khynnah shynrang ba 17 snem pat, ka Government Boys’ Higher Secondary School ka la jop pyrshah ïa ka R. C Evening Secondary School da 3 la 1. Ka H. k Singh Memorial Secondary School ka la khur ïa ka jingjop da kaba pynliem da 1 la 0 kol ïa ka Jowai District Presbyterian Secondary School.
Katba ka jingïalehkai kaba san ha kane ka sngi, ka Ummulong Presbyterian Higher Secondary School ka la jop da 5 la 0 kol pyrshah ïa ka Achievers Secondary School bad ha ka jingïalehkai kaba khatduh ka Nartiang Presbyterian Higher Secondary School ka la jop noh ia ka Laishnong Secondary school da 3 la 0 lyngba ka tie breaker.
Ka jingïakhun pre quarter phainal kaba ar kan long lashai ka sngi ka 26 tarik u Jylliew, 2023 kata ki khynnah kynthei ba 17 snem pat ka North Liberty Higher Secondary School kan ïalehkai pyrshah ïa ka Ïalong Secondary school, ka Amwi Higher Secondary School Thangbuli kan ïalehkai pyrshah ïa ka Jowai Government UP/RMSA School, ka North Liberty Higher secondary school kan sa ïalehkai pyrshah ïa ka H. K Singh Memorial Secondary school.
Katba ha ka liang jong ki khynnah shynrang kiba hapoh 14 snem ka rta, ka Little Flower Higher Secondary school Ummulong kan ïakhun pyrshah ïa ka North Liberty Higher secondary school, ka Government Boys Higher secondary school kan sa ïakhun pyrshah ïa ka Moosachram UP School bad ka jingïalehkai kaba khatduh kan sa long hapdeng ka R. C Evening Secondary school pyrshah ïa ka J. N. M Secondary school Lamin.
