SHILLONG
Ka lympung ïalehkai phutbol jong ki khynnah shynrang kiba hapoh 10 snem (U-10) ba la tip kum ka Football league 2023 ba la pynïaid da ka Shillong Sports Association bad kaba la pynlong ha madan 2nd ground Polo ka la ïaid mynta sha ka sngi kaba hynriew ha kaba 4 tylli ki jingïalehkai la dep ban pynïakhun ha ka sngi saitjain jong ka taiew, kata ha 1 tarik Ïaiong 2023.
Ha katei ka sngi, ka Umphyrnai Sports Club ka la pynliem kput da 25 la 0 ïa ka Rangdajied United Football Club ha ka jingïalehkai kaba nyngknong.Katba ha ka jingïalehkai kaba ar ka Sohryngkham Sports Club ka la pynliem noh ïa ka Mawlai Sports Club da 14 la 0.Ka jingïalehkai kaba lai, ka Mawreng Sports Club ka la pynliem noh ïa ka Kynton-U-Mon da 1 la 0.
Ha ka jingïalehkai kaba saw, Mawpat Sports Club ka la pynliem noh ïa ka Mawkriah Sports Club da 6 la 0.Bad ka jingïalehkai kaba khatduh ha kane ka sngi ka Them Rangskhen A.C.C ka la pynliem noh ïa ka Challenger Football Academy da 13 la 0.Ka jingïalehkai kaba bud kan long ha ka 3 tarik Ïaiong ha kaba ka Kynton-U-Mon kan ïakhun pyrshah ïa ka Nangkiew Irat Sports Club ha ka por 4:15 janmiet hapoh madan 2nd ground, Polo.
