ბარამბო, სვია და კატაბალახა - ნახარში, რომელიც წნევას არეგულირებს, ძილის რეჟიმს აწესრიგებს და ნერვებს ამშვიდებს
რამდენიმე ხნის წინ ძლიერი სტრესი გადავიტანე. მალე შევამჩნიე, რომ წნევის ციფრებმა მაღლა აიწია, დამეწყო პერიოდული თავის ტკივილი, გულის ფრიალი და ნერვულიც გავხდი. თანამშრომელმა ეს ნახარში მირჩია. დავლიე, წნევაც მომიწესრიგდა, ძილიც და ნერვებიც.
- ვიღებთ 1,5 სუფრის კოვზ კუნელის ყვავილს, ამდენივე კატაბალახას ფესვს და ბარამბოს ფოთოლს და სვიას. ვასხამთ 2 ჩაის ჭიქა მდუღარე წყალს და 5 წუთის განმავლობაში ვადუღებთ ნელ ცეცხლზე. შემდეგ შევაგრილებთ და ვწურავთ. ვიღებთ ნახევარ ჩაის ჭიქას დღეში 3-ჯერ, ჭამის შემდეგ. ვსვამთ 3-4 თვე, შემდეგ ორ კვირას ვისვენებთ და, სურვილისამებრ, კურს ვიმეორებთ.
მარიამ ნემსიწვერიძე, ქუთაისი