ეს გემრიელი კერძი დააინტერესებთ როგორც მემარხულეებს, აგრეთვე ტრადიციული კერძების მოყვარულებს. ღუმელში შემწვარი ბულგარული წიწაკის მხალი განსაკუთრებულად არომატული და გემრიელია. კერძში შენარჩუნებულია ტრადიციული გემო და მოწოდებულია ახლებური ფორმით.
ლია მინდაძის რეცეპტი
ინგრედიენტები
წიწაკებს ამოვაცალოთ თესლი, წავუსვათ ზეთი და დაახლოებით 15 წუთით შევდგათ 200 გრადუსზე გახურებულ ღუმელში, სანამ წიწაკებს კანი დაებრაწება, შემდეგ კანი გავაცალოთ, სიგრძეზე წვრილ ზოლებად დავჭრათ და გავწუროთ, წვენი რომ გაუვიდეს.
წვრილად დავჭრათ ხახვი და მწვანილი, დავუმატოთ დაკეპილი ნიორი, სანელებლები, ნიგოზი, ძმარი და კარგად ავზილოთ. ნიგვზის მასა შევურიოთ წიწაკას და მოვაყაროთ ბროწეულის მარცვლები.
