ცხენის სახე

უკანასკნელი აღმოჩენებით დადგინდა, რომ ცხენები საკომუნიკაციოდ სახის 17 მოძრაობას იყენებენ, ადამიანებზე ათით ნაკლებს, თუმცა ძაღლებზე ერთით მეტს და შიმპანზეებზე – ოთხით მეტს.

სასექსის უნივერსიტეტის მკვლევრებმა ეს დასკვნა გამოიტანეს ცხენის თავის გაკვეთით და სხვადასხვა ასაკისა და ჯიშის ცხენებზე დაკვირვების შედეგად. მათ გამოიყენეს ცხენის სახის მოძრაობის კოდირების სისტემა (EquiFACS ) და შეადგინეს ჟესტების რუკა, რომელიც სხვადასხვა სახეობას შორის ევოლუციურ პარალელებს ავლებს.

კვლევის ხელმძღვანელის, ჯენიფერ უათანის თქმით, მსგავსება ცხენისა და ადამიანის მიმიკებს შორის განსაცვიფრებელია: შიშის, გაოცების ან მოწყენილობის დროს წარბების აწევა; ტუჩის კიდეების გაწევა (ღიმილი) მისალმების ან მორჩილების დროს, თუ თვალების ფართოდ გახელა შეშფოთების დროს.

მიგნებები სახეობათა შორის კავშირების უკეთ გაგებაში დაგვეხმარება. EquiFACS-ის მსგავსი სისტემები ქმნის „საერთო ენას სახეობების ობიექტურად შესადარებლად“.

ვეტერინარებსა და მწვრთნელებს, რომლებმაც ჯერ ბევრი არაფერი იციან ცხოველების ემოციურ ცხოვრებაზე, ეს კვლევა უკვე ეხმარება.