საქართველოს უზენაესი სასამართლო

სამართლის ელექტრონული ბიბლიოთეკის პრეზენტაცია უზენაეს სასამართლოში

გამოქვეყნებულია: 01/12/2011

2011 წლის 1 დეკემბერს უზენაეს სასამართლოში უმაღლესი სასწავლებლების იურიდიული ფაკულტეტის ხელმძღვანელებისთვის სამართლის ელექტრონული ბიბლიოთეკის პრეზენტაცია გაიმართა.
სამართლის ელექტრონული ბიბლიოთეკა უნიკალური პროდუქტია ქართულ სივრცეში. მისი შექმნისას გათვალისწინებულ იქნა მრავალი თანამედროვე ბიბლიოთეკის გამოცდილება (მაგ. კონგრესის ბიბლიოთეკის, LexisNexis-ის, გუტენბერგის პროექტის და ა.შ.).
სამართლის ელექტრონული ბიბლიოთეკა ხელმისაწვდომია ნებისმიერი მომხმარებლისათვის. ბიბლიოთეკის მისამართია www.library.court.ge. დღეისთვის ბიბლიოთეკას 1300 მეტი მკითხველი ჰყავს.
ბიბლიოთეკაში როგორც ელექტრონული, ისე მატერიალური ფორმით დაცულია 12000 მეტი იურიდიული ლიტერატურა - წიგნები, ჟურნალები, სტატიათა კრებულები, ვიდეო და აუდიო ფაილები.
უზენაესი სასამართლოს ინიციატივით უმაღლეს საგანმანათლებლო დაწესებულებებს შორის თანამშრომლობა აქტიურ ფაზაში გადავიდა. მიმდინარე წლის 11 ოქტომბერს უზენაესი სასამართლოს თავმჯდომარე უკვე შეხვდა უმაღლესი სასწავლებლების რექტორებს, შეხვედრაზე მომავალი თანამშრომლობის გეგმები განიხილეს. უახლოეს დღეებში კი უზენაეს სასამართლოსა და უმაღლეს სასწავლებლებს შორის ურთიერთანამშრომლობის მემორანდუმის გაფორმებაა დაგეგმილი.