ოდრი ჰეპბერნის ცხოვრებისეული საიდუმლო მისი უსაზღვრო სევდა იყო
კადრები, რომელსაც ფართო აუდიტორია ახალ დოკუმენტურ ფილმში პირველად იხილავს, ფარდას ხდის პირადი ტრაგედიებით გამოწვეულ იმ ტკივილს, რომელიც გრაციოზულობისა და სილამაზის სიმბოლოდ ქცეული ოდრი ჰეპბერნის ღიმილის მიღმა იმალებოდა.
2020 წლის ნოემბრის მიწურულს კინომოყვარულებს შესაძლებლობა ექნებათ, ოდრი ჰეპბერნის ცხოვრების შესახებ ახალი დოკუმენტური ფილმი იხილონ. მასში ჰოლივუდის ერთ-ერთი უდიდესი ვარსკვლავი სრულიად ახალებურად წარმოჩნდება. ოდრის პირადი ცხოვრება მისი კარიერის მსგავსად წარმატებული არ ყოფილა, მას ბავშვობიდან მოყოლებული მრავალი ტრავმის გადატანა მოუწია. ასე რომ, მისმა მომღიმარმა სახემ შეცდომაში არ შეგიყვანოთ, რადგან ეს არის ფილმი ქალზე, რომლის ცხოვრებაც დაუსრულებელი სევდითაა მოცული.
მიუხედავად იმისა, რომ ოდრის პირად ცხოვრებაში ტრაგიკული მომენტები მრავლად იყო, ადამიანთა თვალში ის უპირველესად გრაციოზულობისა და სილამაზის სიმბოლოდ დარჩა. ეკრანიდან მომღიმარი ლამაზმანი 1993 წელს სიმსივნით გარდაიცვალა. იქამდე ერთი წლით ადრე კი მან ისეთ პირად საკითხებზე, როგორიცაა მეორე მსოფლიო ომის შედეგად გაღარიბებულ ოჯახში უმამოდ გაზრდა, წარუმატებელი ქორწინებები და მუცლის მოშლით გამოწვეული ტრავმა, საჯაროდ და გულახდილად პირველად ისაუბრა.
ოდრი — ასე ეწოდება დოკუმენტურ ფილმს, რომლის ავტორიც 26 წლის ბრიტანელი რეჟისორი ჰელენა ქოუნია. მასში ჰოლივუდის ერთ-ერთი ყველაზე ცნობილი ვარსკვლავის ცხოვრების შესახებ აქამდე უცნობი არაერთი დეტალი და ისტორიაა გაცხადებული.
ფილმი იწყება 1992 წელს ჟურნალ Life-ის მიერ ჩაწერილი და აქამდე გამოუქვეყნებელი ინტერვიუთი, სადაც ოდრი საუბრობს მშობლების განქორწინებით მიღებულ ტრავმაზე: "ბავშვობის პირველი და ყველაზე დიდი დარტყმა მაშინ მივიღე, როცა მამამ დაგვტოვა. ამ ტრავმამ უდიდესი კვალი დატოვა ჩემზე და მის შედეგად მთელი ცხოვრება არასრულფასოვნების, დაუცველობის შეგრძნება გამყვა. მამა ერთ დღეს უბრალოდ გაუჩინარდა. დედამ მითხრა, რომ ის სამოგზაუროდ წავიდა და აღარ დაბრუნდებოდა. ვხედავდი, რომ დედაჩემი ტირილს არ წყვეტდა და ვცდილობდი, მის გვერდით ვყოფილიყავი, მაგრამ 6 წლის ასაკში რთულია, ასეთი მოვლენა ბოლომდე გაიაზრო".
ჰელენა ქოუნი სამი წლის განმავლობაში აგროვებდა დოკუმენტურ მასალას ფილმისთვის. The Observer-თან ინტერვიუში რეჟისორმა ისეთ დეტალებზე ისაუბრა, რომლებიც მუშაობის პროცესში აღმოაჩინა და მისთვისაც მოულოდნელი გამოდგა: "ფილმი იმ ოდრი ჰეპბერნის შესახებ გიამბობთ, რომელსაც მსახიობი ყოველთვის მალავდა პუბლიკისგან. მისთვის წარმოუდგენელი ტანჯვა იყო იმ კომპლექსებით ცხოვრება, რომლებიც მამასთან ურთიერთობამ დაუტოვა. ეს ყველაფერი ოდრის არა მხოლოდ თვითშეფასებაზე, არამედ პარტნიორებთან ურთერთობებზეც აისახებოდა. ასეთი ინტიმური დეტალების გაგება იმ ადამიანზე, რომელიც პირად ცხოვრებას ყოველთვის საიდუმლოდ ინახავდა, ჩემთვის ძალიან უცნაური აღმოჩნდა".
ფილმში ასახულია ოდრის ცხოვრების საკვანძო მომენტები: დაწყებული მეორე მსოფლიო ომის პერიოდში ნიდერლანდებში გატარებული ბავშვობისას განცდილი შიმშილისგან, დამთავრებული ლონდონში გადასვლამდე, სადაც იგი ბალეტის მოცეკვავე გახდა. მაყურებელს ასევე შეეძლება იხილოს არქივში შემონახული კადრები, სადაც ჩანს ის წარმატება, რომელიც ჰეპბერნს ოსკაროსანმა ფილმმა, რომაულმა არდადეგებმა მოუტანა. მისი ვარსკვლავური ცხოვრება გაგრძელდა ისეთ საკულტო ფილმებში მონაწილეობით, როგორებიცაა საბრინა და საუზმე ტიფანისთან.
ამ ამბებს პარალელურად ერთვის ინტერვიუები, სადაც მეგობრები და ოჯახის წევრები კინომაყურებლებს კადრს მიღმა გათამაშებული მოვლენების შესახებ უამბობენ. "ოდრის ცხოვრების ყველაზე დიდი საიდუმლო ის გახლდათ, რომ ის სევდიანი იყო", — ამბობს ოდრის უფროსი შვილიშვილი, ემა ფერერი, რომელიც ბებიის გარდაცვალებიდან ერთი წლის შემდეგ დაიბადა.
ფილმის სიუჟეტის ერთ-ერთი მთავარი ხაზი ოდრის ორი წარუმატებელი ქორწინებაა. მისი პირველი ქმარი, მელ ფერერი მსახიობი იყო. მათ ერთმანეთი ბროდვეიზე დადგმულ სპექტაკლში, Ondine-ში მონაწილეობისას გაიცნეს. წყვილი 1954 წელს შვეიცარიაში დაქორწინდა და ვაჟი, შონ ჰეპბერნ ფერერი შეეძინა. მათი თანაცხოვრება 14 წლის შემდეგ განქორწინებით დასრულდა.
ფილმში ჩართულ ინტერვიუში შონ ფერერი მამის რთულ ხასიათზე საუბრობს და მშობლების ბედნიერი თანაცხოვრების პირველ ათ წელს იხსენებს. მისი თქმით, მელ ფერერი მთელი დარჩენილი სიცოცხლე ნანობდა ოდრის დაკარგვას.
ფილმში ასევე ნახავთ, როგორ იპოვა ოდრიმ 25 წლის წინ გაუჩინარებული მამა წითელი ჯვრის დახმარებით. აღმოჩნდა, რომ ოჯახის მიტოვების შემდეგ იგი ბრიტანეთში ფაშისტურ მოძრაობას შეუერთდა. სამწუხაროდ, ირლანდიაში მამასთან შეხვედრამ ოდრის მოლოდინები არ გაამართლა და მას ძველი ტკივილი თავიდან განაცდევინა.
"ოჯახის მხარდაჭერა წარმოუდგენლად მნიშვნელოვანია ადამიანისთვის. მამის რეგულარულად ნახვა რომ შემძლებოდა, მისგან სიყვარულს ვიგრძნობდი და ამ გზით მამა მეყოლებოდა... ყოველთვის ვცდილობდი, რომ ჩემს შვილებს არასდროს განეცადათ ის, რაც მე გადავიტანე. ამგვარი გამოცდილება სიყვარულის გამოხატვისადმი მგრძნობიარეს გხდის. მისი მიღება საოცარი მადლიერებით გავსებს და, ამასთან, მისი გაცემის უდიდესი სურვილი გიჩნდება", — ამბობს ოდრი ფილმში.
ჰეპბერნი 1969 წელს მეორედ დაქორწინდა, ამჯერად იტალიელ ფსიქიატრ ანდრეა დოტიზე, და საცხოვრებლად რომში გადავიდა. მას შემდეგ, რაც 60-იან წლებში ჰეპბერნს მუცელი რამდენჯერმე მოეშალა, წყვილს ვაჟი, ლუკა შეეძინათ. თუმცა ეს ქორწინებაც წარუმატებელი აღმოჩნდა და 1980 წელს დასრულდა.
"ექიმები თავს ევლებიან პაციენტებს, მაგრამ საკუთარ ოჯახებზე ზრუნვა არასოდეს სურთ", — ეს სიტყვები თავად ოდრის ეკუთვნის.
"ფილმის ემოციური მწვერვალია ის მომენტი, როცა ოდრი გვიმხელს, რამდენი ტკივილი იწვნია ნამდვილი სიყვარულის ძიების პროცესში", — ამბობს ქოუნი, — "მათი თანაცხოვრების პერიოდში ანდრეა ფოტოაპარატის ობიექტივში 200-მდე სხვადასხვა ქალთან ერთად დააფიქსირეს. ის წარმოუდგენელი მექალთანე იყო და ოდრი მასთან ძალიან იტანჯებოდა".
მიუხედავად პირად ცხოვრებაში განცდილი უდიდესი ტკივილისა, ოდრი თავისი პოპულარობის ძალასა და მისით მინიჭებულ შესაძლებლობებს ზედმიწევნით აცნობიერებდა. წარმატებული სამსახიობო კარიერის გარდა მას დიდი გავლენა ჰქონდა მოდის სფეროშიც, მაგრამ მისთვის განსაკუთრებით მნიშვნელოვანი საქველმოქმედო საქმიანობა იყო.
პირადი ცხოვრების სევდა ოდრიმ სხვების დახმარების სურვილად გარდაქმნა. ის აქტიურად თანამშრომლობდა Unicef-თან და ზრუნავდა ომებით განადგურებულ ქვეყნებში მცხოვრებ ბავშვებზე. "ოდრი მთელი ცხოვრება ცდილობდა, სხვებისთვის გაეცა ის სიყვარული, რომელიც თავად არასდროს მიუღია", — აღნიშნავს ქოუნი.
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
-
გადახედვაპოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ პოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ
კომენტარები