1681329503
ქეით მიდლტონი საავადმყოფოში გადაიყვანეს - კენსინგტონის სასახლე უელსის პრინცესას ჯანმრთელობის მდგომარეობაზე განცხადებას ავრცელებს
სასახლის წყაროები ამბობენ, რომ უელსის პრინცესა თავს კარგად გრძნობს, მუცლის არეში ჩატარებული წარმატებული ოპერაციის შემდეგ.
42 წლის ქეით მიდლტონი გუშინ მერილბონში, ლონდონის კლინიკაში შეიყვანეს, ამ დღისთვის დაგეგმილი პროცედურისთვის. როგორც ამბობენ, ოპერაციამ წარმატებით ჩაიარა და პრინცესა ახლა მალე გამოჯანმრთელდება, განუცხადეს წყაროებმა The Times-ს.
"მისი სამეფო უმაღლესობა უელსის პრინცესა გუშინ, ლონდონის კლინიკაში შეიყვანეს, სადაც მას მუცლის ღრუს დაგეგმილი ოპერაცია ჩაუტარდა.
ამჟამინდელი სამედიცინო რჩევებიდან გამომდინარე, პრინცესა მოვალეობების შესრულებას აღდგომის დღესასწაულის შემდეგ დაუბრუნდება" - ნათქვამია კენსინგტონის სასახლის განცხადებაში.
უცნობია, კონკრეტულად, რა დიაგნოზით წევს სტაციონარში ქეით მიდლტონი.
დღეს, ბუკინგემის სასახლემ განაცხადა, რომ მეფე ჩარლზ III მომავალ კვირას ეწვევა საავადმყოფოს გადიდებული პროსტატის "მაკორექტირებელი პროცედურისთვის".