ახალშობილების ზრდისა და განვითარებისთვის ძილი აუცილებელია. მათი ძილის რეჟიმი საკმაოდ განსხვავდება უფროსებისგან, ამიტომ კარგი იქნება, მშობლემა იცოდნენ, რას უნდა ელოდნენ. Ჩვილები არ იბადებიან დარეგულირეგული ძილის ციკლებით და ამის “სწავლა” თანდათანობით უწევთ.
Პირველი ორი კვირის განმავლობაში პატარებს დაახლოებით 16-18 საათიანი ძილი სჭირდებათ ყოველდღიურად (დღისით დაახლოებით 7-8 საათი, ღამით - 8 საათი). ეს ჩაძინებები კი გრაფიკზე საერთოდ არ არის დამოკიდებული და შეიძლება სულ სხვადასხვა იყოს.
Მშობლებისთვის კი თავდაპირველად, საკმაოდ რთულია იმის განსაზღვრა, რამდენ ხანს უნდა ეძინოს ბავშვს და რა სიხშირით, თუმცა სანერვიულო არაფერია. ეს ინფორმაციაც დროსთან ერთად მოდის და თქვენი პატარას ქაოტურ ძილის რეჟიმს მალე აუწყობთ ფეხს.
დაიმახსოვრეთ, ჩვილებმა არ იციან, როგორ უნდა დაიძინონ და ამაში მშობლების დახმარება სჭირდებათ. Შეეცადეთ, რომ ბავშვმა ძუძუს ჭამის დროს ან თქვენს მკლავებში არ დაიძინოს, რადგან ამას მიეჩვევა. Სასურველია, რომ ცოტა ხანი ხელში გყავდეთ და როგორც კი შეამჩნევთ, რომ ეძინებათ, საწოლში დააწვინოთ.
მართალია, ჩვილების ძილის რეჟიმი განსაზღვრული არ არის და ყველასთვის განსახვავებულია, თუმცა ზოგჯერ მშობელი სხვადასხვა პრობლემას შეიძლება გადააწყდეს. თუ ეს დიდხანს გაგრძელდა, Ძილის დეფიციტის თავიდან ასაცილებლად აუცილებლად დაჯავშნეთ პედიატრის კონსულტაცია.
Რაც უფრო იზრდებიან, ბავშვებს უფრო ნაკლები ძილი სჭირდებათ და დღისითაც უფრო დიდი ხნით არიან ფხიზლად. გარდა ამისა, ღამითაც ნაკლებად იღვიძებენ.
ყველაზე აქტუალური კითხვა, რომელიც ახალბედა მშობლებს უჩნდებათ, არის უნდა გააღვიძონ თუ არა პატარა ჭამისთვის. Პატარებს ზრდისა და განვითარებისთვის ყოველდღიურად კალორიების განსაზღვრული რაოდენობის მიღება სჭირდებათ. ამიტომაც ზოგჯერ შეიძლება საჭირო გახდეს მათი გაღვიძება. 2 თვემდე ასაკის ჩვილებს კვება ყოველ ორ საათში ერთხელ სჭირდდებათ. Რაც შეეხება:
Ნებისმიერი მშობლისთვის მნიშვნელოვანია, მის პატარას კარგად ეძინოს, რადგან ყველა იაზრებს რამხელა მნიშვნელობა აქვს საკმარის ძილს სწორი განვითარებისთვის. თანაც, ამ დროში მშობლებს დასვენება ან საკმაოდ ბევრი საქმის მოსწრებაც შეუძლიათ. Მართალია, ბავშვებს, განსაკუთრებით ჩვილებს, დიდხანს ძილი სჭირდებათ, თუმცა ძალიან ბევრი ძილი მათთვისაც არსებობს. თუ შეამჩნევთ, რომ თქვენს პატარას ჩვეულებრივზე უფრო დიდხანს ძინავს ან მისი გაღვიძება გიჭირთ, აუცილებლად მიმართეთ პედიატრს.
თუ გაქვთ კითხვები ახალშობილის ძილის რეჟიმთან დაკავშირებით, დაჯავშნეთ REDMED-ის პედიატრთან ვიდეო კონსულტაცია. Პედიატრიული კლინიკა დღის ნებისმიერ მონაკვეთში, 24 საათის განმავლობაშია ხელმისაწვდომი.
ავტორი: მარიამ ოსიტაშვილი
NEW
NEW >
ვებგვერდის ოპტიმიზაციისთვის ჩვენ ვიყენებთ "cookie" ფაილებს. გასააქტიურლებად დააჭირე ღილაკზე "ვეთანხმები" . დეტალური ინფორმაციის სანახავად გაეცანი მზა ჩანაწერების პოლიტიკას