ფსიქოლოგი და მასთან ვიზიტი შეიძლება ნებისმიერ ადამიანს დასჭირდეს ცხოვრებისეული გამოწვევების თუ ემოციური სირთულეების გადასალახად. სამწუხაროდ, 21-ე საუკუნეშიც კი ფსიქოტერაპია საზოგადოების ნაწილისთვის მაინც ტაბუირებული თემაა. ამ მიზეზით ადამიანები შეიძლება მათთვის აუცილებელ ფსიქოლოგიურ დახმარებაზე უარსს ამბობდნენ.
Მენტალურ ჯანმრთელობას იმდენად დიდ ყურადღებას არ ვაქცევთ, რამდენადაც ფიზიკურ ჯანმრთელობას. არადა საჭიროა იმის გააზრება, რომ მას ცხოვრების მრავალ ასპექტზე შეუძლია გავლენის მოხდენა.
Რა მიზეზით მიდიან ადამიანები ფსიქოლოგთან?
ფსიქოლოგთან კონსულტაციაზე მისვლის მიზეზი ადამიანებისთვის განსხვავებულია. ეს შეიძლება იყოს:
- გლოვა
- სტრესი
- ოჯახი&ურთიერთობები
- დეპრესია
- ფობია
- მენტალური აშლილობები
არ შეიძლება მენტალური პრობლემების მქონე ადამიანს ფსიქოლოგთან მისვლა დავაძალოთ (რა თქმა უნდა, თუ საკუთარი თავისთვის ან გარშემომყოფებისთვის საფრთხეს არ წარმოადგენს). ისინი, ვინც თვლიან, რომ იძულებით არიან ფსიქოლოგთან, თავს უსაფრთხოდ ვერ გრძნობენ და საკუთარ პრობლემებზე ლაპარაკი უჭირთ. Შესაბამისად, თავიანთი ფსიქოლოგიური ჯანმრთელობაზე ზრუნვა და მისი გამოუჯობესება გაუჭირდებათ. ამიტომაც უცილებელია, პაციენტმა თავისით გადაწყვიტოს, რომ ფსიქოლოგი სჭირდება.
Როდის Მჭირდება ფსიქოლოგი?
იმის აღიარება, რომ ფსიქოლოგი და თერაპია გჭირდება, გამოჯანმრთელებისკენ გადადგმული პირველი ნაბიჯია. Მაგრამ როგორ მივხვდეთ მართლა გვჭირდება თუ არა ფსიქოლოგი?
ამის Პირველი “ნიშანი” ის არის, რომ გვიჭირს საკუთარი ემოციების კონტროლი. Რა თქმა უნდა, მოწყენილი, გაბრაზებული, უენერგიო ცხოვრების რაღაც ეტაპზე ყველა ვართ და ეს სრულებით ბუნებრივია. ამ დროს “მდგომარეობიდან გამოსვლა” ჩვენითაც შეგვიძლია. Სცადეთ:
- ვარჯიში
- იოგა
- ოჯახთან და მეგობრებთან დროის გატარება
- ახალი ჰობი
- ჯანსაღი კვება
თუ დრომ ან ცხოვრების წესის ცვლილებამ თქვენს ემოციებზე დადებად არ იმოქმედა, მაშინ რეკომენდებულია ფსიქოლოგთან კონსულტაცია. გარდა ამისა, საყურადღებოა შემდეგი სიმპტომები:
- უეცარი ცვლილება ძილის რეჯიმში, მადაში ან წონაში
- უარყოფითი ემოციების ფონზე ცხოვრების ხარისხის შემცირება
- ინტერესის დაკარგვა ძველი ჰობის ან საყვარელი საქმიანობის მიმართ
- ურთიერთობის დამყარებაში ან/და შენარჩუნებაში სირთულე
- კონცენტრაციის უნარის დაქვეითება
იმის შეფასებისას გჭირდება თუ არა ფსიქოლოგი, აუცილებელია ფსიქოთერაპიის დადებითი მხარეების გააზრებაც. Პირველ რიგში, აღსანიშნავია ის, რომ საკუთარი თავის და ემოციების შესახებ საკმაოდ ბევრს შეიტყობთ. ყოველთვის გვგონია, რომ საკუთარ თავს ძალიან კარგად ვიცნობთ, სინამდვილეში კი აღმოჩნდება, რომ ასე სულაც არ არის.
Როცა შენი ემოციების შესახებ მეტი იცი და მათი კონტროლიც უფრო მეტად შეგიძლია, ცხოვრება მრავალი მხრივ შეიძლება გაგიუმჯობესდეს, მათ შორის, კარიერა, პირადი ურთიერთობები და სხვა. გარდა ამისა, ფსიქოლოგთან ვიზიტი შეიძლება თქვენს ფიზიკურ ჯანმრთელობაზეც დადებითაც აისახოს. Მკურნალობის გარეშე მენტალური პრობლემები ჯანმრთელობაზე უარყოფითად მოქმედებს და შეიძლება სხვადასხვა ჩივილი გამოიწვიოს.
REDMED-ით შეგიძლიათ ფსიქოლოგთან კონსულტაცია დისტანციურად გაიაროთ.
