ტანმოვარჯიშეს და ტელეწამყვანს ქეთი ხატიაშვილს ცოტა ხნის წინ ჯანმრთელობის პრობლემა შეექმნა, სერიოზული ტრამვა მიიღო და ოპერაცია დასჭირდა. მანამდე კი მის ცხოვრებაში ერთი სამწუხარო ფაქტი მოხდა მის ცხოვრებაში, ქეთი ქმარს ბიზნესმენ ლევან ვადაჭკორიას დაშორდა. ქეთი ხატიაშვილის ინტერვიუს ჟურნალი "სარკე" აქვეყნებს.

- ქეთი, შევიტყვეთ, რომ მოულოდნელად ოპერაცია დაგჭირდათ. რა დაგემართათ?

- გუდაურში იმედის დილის" ეთერისთვის გადაღება მქონდა. როგორც იცით სპორტული რუბრიკა მაქვს დილის ვარჯიშები გადავიღეთ, ძალიან კარგი ამინდი იყო და ცოტა ხანი სასრიალოდ დავრჩი.

სნოუბორდზე სრიალისას შემთხვევით დავჯექი არ წავქცეულვარ, დიდი სიჩქარეც არ მქონდა აკრეფილი. უცებ დიდი ტკივილი ვიგრძენი, თითქმის გონება დავკარგე, ვეღარ ავდექი. მაშველები ძალიან მალე მოვიდნენ, ქვემოთ ჩამიყვანეს, შემდეგ სასწრაფო დახმარების ბრიგადაც მოვიდა.

თბილისში რომ ჩამოვედით, სურათი გადავიღე და აღმოჩნდა რომ კუდუსუნის სამი მალა იყო მოტეხილი და საოპერაციო გავხდი. რთული მდგომარეობა მქონდა.

ექიმების საშინლად მეშინია ტკივილის ატანა კი შემიძლია, ეს ყველა სპორტსმენს აქვს გამომუშავებული. ვიფიქრე რომ ოპერაციის გარეშე გამოვძვრებოდი. ბალერინებთან, ყოფილ სპორტსმენებთან ვიკითხე და აღმოჩნდა, რომ ეს ტრავმა არც თუ ისე იშვიათია და ოპერაციის გარეშეც იხორცებენ. ვიფიქრე მეც ასე შევძლებდი, მაგრამ ისეთი ტკივილები მქონდა ოპერაცია არ ამცდა.

- ახლა როგორ გრძნობთ თავს?

_ რეაბილიტაციის კურსს გავდივარ. ცოტ - ცოტა დაჯდომაც შემიძლია. დღეს პირველი დღეა, რაც საჭესთან დავჯექი, აქამდე არ შეიძლებოდა. ეთერში ჯერ ვერ ვარ. იმედი მაქვს ეკრანზე მალე გამოვჩნდები.

- მართალია, რომ მეუღლეს გაშორდი?

- დიახ, ერთმანეთს 2014 წელს გავშორდით.

- მტკივნეულად გადაიტანეთ გაშორება?

- ეს მარტივი არ არის. ასეთი გადაწყვეტილების მიღება ყველას უჭირს, მაგრამ როგორც მოხდა, მოხდა.

- ეცადეთ ეს ურთიერთობა გადაგერჩინათ?

- რა თქმა უნდა. სანამ ამ ნაბიჯს გადაგამენ ყველა ცდილობს ოჯახი შეინარჩუნოს. ალბათ ასე უნდა მომხდარიყო.

- ვინ დაგეხმარათ რთული პერიოდის გადალახვაში?

- ოჯახის წევრები მეგობრები ჩემ გვერდით იყვნენ.

- ყოფილ ქმართან შეძელით ნორმალური ურთიერთობის შენარჩუნება?

- ჩვეულებრივი ურთიერთობა გვაქვს. ჩვენი ქალიშვილი ანასტასია 4 წლისაა, როგორც დედასთან ასევე მამასათან ატარებს დროს. ყველაფერი რიგზეა. მიკვირს ხოლმე როცა ყოფილ მეუღლესთან კარგი ურთიერთობა არ აქვთ.