ჰოლის ფესტივალი ზამთრის ბოლო დღეს აღინიშნება და ამ დღესასწაულით ინდოელები ზამთარს ემშვიდობებიან, გაზაფხულს ეგებებიან და ამის ნიშნად ქუჩაში საღებავებით “წუწაობენ”. ეს უცნაური ფესტივალი ინდოეთში ყოველთვის ეგზოტიკური, საოცარი და მრავალფეროვანი სანახაობაა.
ლეგენდის თანახმად, შავგრემან კრიშნას შურდა რომ რადხის ნათელი სახე ჰქონდა. კრიშნამ ჰკითხა თავის დედას იაშოდის, რატომ იყო ის შავგრემანი, მან კი ხუმრობით შესთავაზა შვილს წაესვა რადხის სახეზე ის ფერი რომელიც გაუხარდებოდა. კრიშნა ასეც მოიქცა. მისი ეს საქციელი კი შემდგომ ყველა მორწმუნემ გაიმეორა. დღესასწაული თავის მხრივ სიმბოლოა ბოროტების განდევნის, ახალი სიცოცხლის დაწყების, უხვი მოსავლიანობისა და ნაყოფიერების.
ჰოლის მეორენაირად ფერების ფესტივალსაც უწოდებენ. ეს ფხვიერი საღებავები მხოლოდ გასართობი არაა, ისინი დამზადებულია მცენარეული მასალისაგან, ასე რომ სასარგებლოა ადამიანის ორგანიზმისთვის.
ამ დღეს ყველა ადამიანი ქუჩაში გამოდის, ერთმანეთს ფერად საგებავებს ესვრის და ამით გამოხატავენ გაზაფხულის მოსვლას. ამ დღეს ყველაფერი ფერადია და ყველა მხიარულობს.
კარგი იქნებოდა თბილისშიც ,რომ იყოს რაიმე ასეთი ტრადიცია. მოუხდებოდა თბილისის მოღუშლ სახეებს ერთი დღით მაინც გაფერადება 🙂