medium

large

thumbnail

1536x1536

2048x2048

small

custom-size

Alvarlegt vinnuslys í Grundarfirði

Umferðin eykst en ekki jafn hratt og áður

Skagakonur með góðan sigur á Grindavík

Brugðu sér í bæjarferð

Þróttur fékk verk á Sementsreit

Borgarverk endurnýjar Sæunnargötu

core/paragraph

Fyrir fjórum árum keypti fyrirtækið D9 ehf. bankahúsið í Búðardal sem stendur við Miðbraut 15. D9 er að stærstum hluta í eigu hjónanna Leifs Steins Elíssonar og Sveinbjargar Júlíu Svavarsdóttur og hafa þau síðan 2019 staðið fyrir framkvæmdum í húsinu sem var byggt árið 1970 og hýsti Búnaðarbankann, KB banka og síðast Arionbanka. Húsið hafði verið til sölu og staðið autt í um þrjú ár áður en Leifur Steinn og Sveinbjörg Júlía keyptu það.

„D9 er skírskotun í Dalina því gamla bílnúmer foreldra minna var D9,“ segir Leifur í samtali við Skessuhorn. „Ég á númerið núna og er með það á fornbíl, sem er eiturgrænn Saab, árgerð 1978 og stóð m.a. fyrir utan Dalíu allt síðasta sumar.“

Húsið að Miðbraut 15 þekkist sem sagt nú undir nafninu Dalía, sem einnig er skírskotun í Dalina. Er þar í dag bæði gistiaðstaða og salur sem m.a. hefur verið notaður til tónleikahalds. Starfsemin í húsinu er ekki að fullu komin í gang en hægt er að hafa samband við Leif Stein ef áhugi er fyrir að fá gistingu eða afnot af salnum.

core/image

<figure class="wp-block-image size-large"><img src="https://umsjon.skessuhorn.is/wp-content/uploads/2023/06/Til-thess-gert-ad-audga-mannlifid-og-hafa-gaman_2-1200x675.jpg" alt="" class="wp-image-66041"/><figcaption>Dalía er í bankahúsinu við Miðbraut 15 í Búðardal. Ljósm. gbþ.</figcaption></figure>

core/heading

Leifur Steinn er Dalamaður, en hann sleit barnskónum í Búðardal og á Hrappstöðum í Laxárdal. Hann segist bera sterkar taugar til Dalanna og sé það stærsta ástæða þess að þau hjónin ákváðu að fjárfesta í bankahúsinu. Þau sáu þar tækifæri til þess að auðga mannlífið og lífga upp á bæinn sem er þeim svo kær. „Foreldrar mínir bjuggu á Hrappstöðum framan af en fluttu burt á efri árum. „Að koma heim“ fyrir mér er og verður samt alltaf að koma í Búðardal,“ segir Leifur Steinn. Foreldrar hans voru þau Elís G. Þorsteinsson, sem fæddist í Þrándarkoti í Laxárdal og Emilía Lilja Aðalsteinsdóttir frá Brautarholti í Haukadal. Er Leifur Steinn elstur fimm systkina og á mikið af skyldfólki í Dölunum.

Leifur Steinn lauk barnaskóla á Laugum, fór þaðan í Reykjaskóla í Hrútafirði og síðan í Menntaskólann að Laugarvatni. Hann segist því vera uppalinn á heimavist en kom þó iðulega heim í Dalina á sumrin og í lengri fríum. Hann starfaði eitt sumar í Búnaðarbankanum í Búðardal þegar útibúið var í Dalabúð, síðan eitt sumar í brúarvinnu við Laxá sunnan Búðardals. Þar hlustaði hann seint um kvöld á lýsingu á lendingu mannaðs geimfars á tunglinu. Seinna var Leifur Steinn leiðsögumaður erlendra veiðimanna við Laxá í Dölum í nokkur sumur. Þar kom Neil Armstrong, sem fyrstur manna steig á tunglið, til veiða og áttu þeir skemmtilegt spjall við Kristnapoll í tunglskini síðla hausts og frá fleiri stöðum við ána röbbuðu þeir saman og horfðu á tunglið.

Leifur Steinn lærði hagfræði við háskólann í Lundi í Svíþjóð, auk tölvunarfræði, og vann í um kvartöld hjá Visa Íslandi (Valitor) sem sviðsstjóri fagsviða og aðstoðarforstjóri. Núna rekur hann, ásamt frænda sínum Ólafi Erni Ingólfssyni, fyrirtækið Vildarhús ehf. sem m.a. stóð fyrir stofnun Leigufélags aldraðra og byggir nú leiguíbúðir í Reykjavík og við Dalbraut á Akranesi.

Sveinbjörg Júlía er með doktorspróf í félagsráðgjöf og starfaði lengst af sem forstöðufélagsráðgjafi hjá Geðsviði LSH en hún hefur sérstakt starfsleyfi Landlæknis sem sérfræðingur í félagsráðgjöf á heilbrigðissviði. Í dag starfar hún við félagsráðgjöf hjá Heilsuvernd í Kópavogi og er auk þess stundakennari við Háskóla Íslands. Saman eiga þau Júlía og Leifur Steinn fjögur uppkomin börn og tíu barnabörn.

<figure class="wp-block-image size-full"><img src="https://umsjon.skessuhorn.is/wp-content/uploads/2023/06/Til-thess-gert-ad-audga-mannlifid-og-hafa-gaman_4.jpg" alt="" class="wp-image-66043"/><figcaption>Leifur Steinn og Sveinbjörg Júlía með barnabörnunum sínum tíu. Ljósm. Úr einkasafni.</figcaption></figure>

<h2>Kjörið hús fyrir samkomustað</h2>

Leifur Steinn og Júlía hafa alla tíð búið saman í Reykjavík, utan fimm námsára í Svíþjóð og annarra fimm ára vegna starfa í Danmörku. Segir Leifur Steinn að með kaupunum á Dalíu séu þau hjónin ekki að huga að flutningum í Dalina né sjái þau fyrir sér að starfa sjálf í Dalíu, nema að litlu leyti. „Við verðum líklega meira fyrir vestan í sumar en verið hefur og förum kannski að verða aðeins sýnilegri núna upp úr næstu mánaðamótum.“ En af hverju ákváðu þau að kaupa Dalíu og ráðast í þetta verkefni? „Þetta hús var búið að vera til sölu í þónokkurn tíma og það býður upp á marga möguleika. Bæði er staðsetningin mjög góð og húsið stórt og áberandi. Okkur fannst það kjörið fyrir eins konar menningarsetur eða sem samkomustaður fyrir fólkið á svæðinu og þegar enginn hafði sýnt því áhuga að kaupa það ákváðum við bara að prófa að bjóða í það,“ segir Leifur Steinn. „Það að hafa einhverja starfsemi í húsinu auðgar mannlífið á svæðinu. Við erum ekki að standa í þessu verkefni til þess að hafa eitthvað að gera sjálf á efri árum, við ætlum ekki að vinna þarna en sjáum fyrir okkur að geta þarna skapað atvinnutækifæri fyrir fólk,“ segir Leifur Steinn.

Unnið hefur verið að framkvæmdum í Dalíu nær allt frá kaupunum árið 2019. Eins og svo mörgu öðru seinkaði heimsfaraldur framkvæmdunum sem eru því enn í gangi. Húsið var enn innréttað eins og banki þegar Leifur Steinn og Júlía fengu það afhent og hefur það því gengið í gegnum verulega endurnýjun lífdaga. Búið er að skipta um allar lagnir í húsinu, setja nýja ofna á efri hæð og gólfhita á þá neðri og loka á milli hæða. Þá er búið að skipta um gólfefni, fella veggi og reisa aðra.

Efri hæð hússins er svo gott sem tilbúin, búið er að setja upp stiga á húsið utanvert þar sem ekki er lengur innangengt milli hæða. Fjögur herbergi á efri hæðinni eru tilbúin til útleigu og hafa reyndar sum hver verið í útleigu í vetur. Fimmta herbergið verður tilbúið innan tíðar en á hæðinni er einnig stúdíóíbúð sem Leifur Steinn og Júlía hafa haldið eftir fyrir sig og er þeirra dvalarstaður þegar þau eru í Búðardal. „Við höfum eingöngu verið að leigja herbergin í langtímaleigu enn sem komið er, án þess að vera beint að sækjast eftir því,“ segir Leifur Steinn. Í sumar munu þau þó breyta rekstrarforminu og sækja um leyfi til að mega vera með gistiþjónustu. Þá er hægt að leigja herbergin út eins og á formlegum gistiheimilum.

<h2>Salur fyrir tónleika og aðra viðburði</h2>

Á neðri hæðinni er salur sem Leifur Steinn segir að geti rúmað allt að 100 manns í sætum. Nú þegar hafa verið haldnir þrennir tónleikar í salnum. Tónlistarkonan Lay Low reið á vaðið með tónleikum í Dalíu síðasta sumar. Á eftir henni fylgdi tenórsöngvarinn Elmar Gilbertsson, sem reyndar er frá Búðardal og er bróðursonur Leifs Steins. Á Jörvagleðinni í apríl síðastliðnum spilaði og söng tónlistarkonan Una Torfa svo fyrir fullum sal, en Uppbyggingarsjóður Vesturlands studdi þann viðburð. „Þessir tónleikar hafa allir tekist einkar vel og verið skemmtilegir. Við sjáum fyrir okkur í framtíðinni að bjóða áfram upp á svona staka tónleika. Það er góður hljómburður í húsinu og allt til alls,“ segir Leifur Steinn og ítrekar að hafi fólk áhuga á því að nota salinn fyrir viðburði sé velkomið að hafa samband við hann í síma 775-2002 eða á netfangið <a href="mailto:leifur.steinn@hotmail.com">leifur.steinn@hotmail.com</a>. „Við erum ekki búin að koma á fót heimasíðu eða neinu slíku en það kemur heimasíða í loftið þegar allt er tilbúið og eins og það á að vera.“

<figure class="wp-block-image size-large"><img src="https://umsjon.skessuhorn.is/wp-content/uploads/2023/06/Til-thess-gert-ad-audga-mannlifid-og-hafa-gaman_3-1200x634.jpg" alt="" class="wp-image-66042"/><figcaption>Una Torfa hélt tónleika í Dalíu í apríl síðastliðnum. Þeir sem hafa áhuga á að nýta sér salinn fyrir viðburði er velkomið að hafa samband við Leif Stein í síma 775-2002.</figcaption></figure>

Salurinn verður þó vonandi notaður meira en undir staka tónlistarviðburði. „Það er verið að setja upp vísi að eldhúsi í salnum og við munum sækja um veitingaleyfi þegar það er tilbúið,“ segir Leifur Steinn en þau hafa þegar leyfi til að selja mat í lokuðum umbúðum. „Ég segi ekki að við séum að fara í mikla veitingasölu en við viljum geta boðið upp á vín og bjór og kannski osta, í kringum tónleika. Og það verður bara góður bjór í boði,“ segir Leifur Steinn og hlær. „Það á að vera sæmilegur klassi yfir þessu öllu saman. Kannski verðum við líka með kaffi og vöfflur eða eitthvað slíkt. Þetta er allt saman í þróun.“

„Síðan má vera að það verði boðið upp á morgunmat þarna einhverja daga en við höfum rætt við fólk sem er tilbúið að koma inn með slíka þjónustu á þeim forsendum. En þetta er allt saman til gamans gert og til þess að lífga upp á svæðið. Möguleikarnir eru endalausir,“ segir Leifur Steinn að lokum.

Fréttaveita Vesturlands

„Til þess gert að auðga mannlífið og hafa gaman“