2014 წელს ირაკლი არეშიძის მიერ დაარსებულმა კომპანია Shift Technologies-მ, რომელიც მეორადი მანქანების ონლაინ პლატფორმაა, ოთხ წელიწადში $275,000,000 $-ზე მეტი ინვესტიცია მოიზიდა (კომპანიას ქართული წარმომადგენლობაც აქვს და მასში 70 ადამიანია დასაქმებული). მანამდე ქართველმა მეწარმემ ტაქსის სერვისის ონლაინ აპლიკაცია შექმნა, რომელიც ამერიკაში ჯერ კიდევ Uber-მდე არსებობდა და დღეს Curb-ის სახელით არის ცნობილი.
ირაკლი არეშიძე ამერიკაში 1992 წლიდან ცხოვრობს. განათლების მიღების შემდეგ, როგორც მკვლევარი, ვაშინგტონის კვლევით ცენტრში მუშაობდა, შემდეგ კი Google-ში. ასევე იყო ბოსტონის საკონსულტაციო ჯგუფის წევრი. იგი დაინტერესებულია ახალი ტექნოლოგებით, ატარებს მასტერკლასებს და ეწევა სამეცნიერო საქმიანობას. არის წიგნის„დემოკრატია და ავტოკრატია ევრაზიაში“ ავტორი.