Shillong, Naiwieng 23: U Myntri Khynnah ka Tnat Micro, Small and Medium Enterprises, u Bhanu Pratap Singh Verma un iashim bynta ha ka Viksit Bharat SankalpYatra (VBSY) ka ban long ha ka 24 bad 25 tarik u Naiwieng, 2023 ha Meghalaya.
Un poi lashai ka sngi bad un iashim bynta ha ka prokram VBSY ka ban long ha ka shnong Tynring kaba hap hapoh ka East Khasi Hills District. Ha ka sngi Saitjain, u Myntri un iashim bynta sa ha kawei ka prokram VBSY ha shnong Laitkseh.
Ka Viksit Bharat SankalpYatra ka dei ka sienjam ha kylleng ka ri ban ai jingtip bad pynkupbor ia ki briew jong ka ri shaphang ki skhim ba kongsan jong ka Sorkar bad kane ka Yatra ka dei kaba dang pyntreikam mynta ha saw tylli ki distrik ka Meghalaya ha ka bynta kaba nyngkong jong kane ka campaign.
Ia kane ka Yatra la plié paidbah da u Myntri Rangbah Duh, u Narendra Modi ha ka 15 tarik u Naiwieng, 2023 ha Khunti, Jharkhand, ha kaba la pyllait paidbah shibun tylli ki kali na ki jaka bapher bapher ba don bun ki riewlum bad kiba la poi sha palat 1 lak ngut ki briew bad 259 tylli ki Gram Panchayat ha ka sngi kaba nyngkong.
Ka thong jong ka Yatra ka dei ban ai jingtip shaphang ki skhim ba kongsan jong ka Sorkar bad ban pynurlongia ka jingpyntreikam pura ia kine ki skhim. Kane ka sienjam ka pynshlur ia ki briew ba kin iashim bynta ha ka roi ka par jong ka ri.
