ჯემალ ბაღაშვილი: „ჩვენ პირველებმა გავაუქმეთ სცენაზე კონფერანსიე“
„მერე სცენაზე ცეკვა და მუსიკალური იუმორი შემოვიღეთ, რამაც მიუზიკლებამდე მიგვიყვანა“, – იხსენებს ჯემალ ბაღაშვილი გადაცემაში „ჩაი ლიმონით“.
ჯემალ ბაღაშვილი – საქართველოს დამსახურებული არტისტი, მუსიკოსი, ესტრადის რეჟისორი, სცენარისტი, ვირტუოზი გიტარისტი. იყო პოლიტექნიკური ინსტიტუტის საესტრადო ორკესტრის გიტარისტი; 1968 წლიდან ანსამბლ „ივერიის" სოლისტი და ანსამბლის მიერ დადგმული მიუზიკლების ლიბრეტოს ავტორი; მრავალი საკონცერტო პროგრამის სცენარის ავტორი და დამდგმელი რეჟისორი. 1995 წლიდან შოუ-ბიზნეს-ცენტრი „ლომისის" გენერალური დირექტორი და სახელმწიფო საკონცერტო დარბაზის მთავარი რეჟისორი.
