კოვიდრეგულაციების დარღვევის გამო, „გარდენია“ დროებით დაილუქება. გვიან ღამით დაწესებულებაში ქორწილი გადაიხადეს, რის გამოც ტერიტორიის მფლობელი 2000 ლარით დაჯარიმდა, დღეს დილით კი, ობიექტის დალუქვის ღონისძიებები მიმდინარეობს.
„ადგილზე ქორწილი იყო. აღნიშნული ფაქტი გუშინ, ღამის საათებში დაფიქსირდა, რის გამოც შრომის ინსპექციამ ობიექტი დააჯარიმა. დღეს დილით უკვე დალუქვის ღონისძიებები მიმდინარეობს“, – განმარტავენ შრომის ინსპექციის სამსახურში.
