ერთხელ გერმანელმა პოეტმა ჰაინრიხ ჰაინემ თქვა: ,,როცა ღმერთი ზეცაში მოწყენილია,ის ფანჯრებს აღებს და პარიზის ბულვარებს უყურებს.”  

მართლაც,რა ბედნიერებაა მისეირნობდე პარიზის ქუჩებში ,რომლებშიც თითქოს სიძველისა და ისტორიის სურნელი ტრიალებს.ამ დროს თითქოს ყველაფერი გავიწყდება,გარემოს ათვალიერებ და ხვდები,რომ პარიზში მართლაც შეიძლება გაატარო ბრწყინვალედ დრო ისე,რომ არაფერი აკეთო.

ფრანგი ხალხი სტუმართმოყვარეობით ნამდვილად გამოირჩევა.ალბათ ესეც ერთ-ერთი მიზეზია იმისა,რომ ქალაქს წელიწადში 30 მილიონზე მეტი ტურისტი ჰყავს. რასაკვირველია,მოგზაურებს პარიზში მხოლოდ სტუმართმოყვარეობა არ ხიბლავთ. მსოფლიოში ცნობილი მუზეუმები, სავაჭრო და  გასართობი ცენტრები, გალერეები, ღამის კლუბები და მრავალი სხვა – ეს ის ფაქტორებია,  რომლებიც პარიზს განსაკუთრებულს, თავისებურსა და მიმზიდველს ხდის

,,დიდებული შენობა, როგორც მაღალი მთები–საუკუნეების ქმნილებაა!” წერდა ჰიუგო პარიზის ღვთისმშობლის ტაძარზე…

პარიზის ღვთისმშობლის ტაძარი, იგივე  ნოტრ-დამი – გოთიკური საკათედრო ტაძარია პარიზის ილ-დე ლა-სიტეს აღმოსავლეთ ნაწილში. პარიზის ღვთისმშობლის ტაძრის მშენებლობა 180 წელზე მეტ ხანს გრძელდებოდა.
ტაძარი ერთ-ერთი პირველი შენობა იყო მსოფლიოში, სადაც არკ-ბუტანტები, ე. წ. მფრინავი საყრდენები გამოიყენეს გუმბათების გასამაგრებლად. არქიტექტურული ღირსებების გარდა ნაგებობა გამოირჩევა  ქანდაკებებით, ნაძერწი და ჭედური ჩუქურთმიანი დეტალებით.

 აუსტერლიცის ბრძოლის შემდეგ ნაპოლეონ ბონაპარტეს შეკვეთით აშენებული ტრიუმფალური თაღი ერთ-ერთი  დრამატული არქიტექტურული ნამუშევარია . ტრიუმფალური თაღი შარლ დე გოლის მოედნის შუაგულში დგას. ამ მოედნიდან   პარიზის 16 ფართო პროსპექტი გამოდის.    ტრიუმფალური თაღი კლასიკური არქიტექტურული სტილისაა და ანტიკური რომის თაღებს ჰგავს, თუმცა ჩუქურთმებით აშკარად აღემატება წინამორბედებს. ის 1806 წელს ჟან შალგრენმა დააპროექტა. თაღის ქვეშ აკლდამები და უცნობი ჯარისკაცის საფლავია, რომელიც აქ 1920 წლის „დაზავების დღეს“ დამარხეს. თაღი ცნობილია საფრანგეთის გამორჩეული მოქანდაკეების მიერ შექმნილი ფრიზებით. აქ ასახულია სცენები საფრანგეთის მიერ გამართული, მეტწილად, ნაპოლეონის ომებიდან.

გთავაზობთ რამდენიმე წუთიან მოგზაურობას პარიზში

 ლუქსემბურგის ბაღი

ბაღები მოიცავს ვრცელ   სათამაშო მოედანს, რომელიც ადგილობრივი ბავშვებისა და მათი მშობლების საყვარელი ადგილია. მის გვერდით ასევე პოპულარული თოჯინების თეატრია, დროდადრო ბაღში უფასო კონცერტები ტარდება. ბაღში ღია რესტორნებსაც ვხვდებით. 

 კიდევ მრავალი რამაა პარიზში სანახავი… ლათინური უბანი,მდინარე სენა,ხელოვნების ხიდი,მონმარტი -ეს ყველაფერი არაა. პარიზი მართლაც ვრცელია იმისთვის,რომ რამდენიმე გვერდმა დაიტიოს. ვფიქრობ,რომ საფრანგეთის დედაქალაქს მართლაც უნდა ესტუმრო,სანამ ცოცხალი ხარ.

გალერეა

This slideshow requires JavaScript.