ჯანჯაფილის სამკურნალო თვისებები

ჯანჯაფილი შეიცავს აქტიურ ნივთიერებას, რომელიც ამცირებს ანთებით პროცესსა და გულისრევას. ეს ნივთიერება მუშაობს როგორც კუჭ-ნაწლავზე, ისე ნერვულ სისტემაზე და ასე აკონტროლებს გულისრევას.

ჯანჯაფილი ასტიმულირებს ფარისებრი ჯირკვლის მოქმედებას, გამოიყენება მეტეორიზმის, კუჭ-ნაწლავის დაავადებების, ალერგიისა და კანის დაავადებების, ბრონქიალური ასთმის დროს, ასევე, სახსრების დაავადებების, რევმატიზმის, ართრიტით, შეშუპებით, კუნთების ტკივილით, გონებრივი და ფიზიკური დაღლილობით გამოწვეულ დაავადებების დროს.

ჯანჯაფილი – სასარგებლო ინსტრუმენტია სხეულის სიბერის წინააღმდეგ ბრძოლაში, ის ხელს უწყობს პოტენციის მომატებას, უნაყოფობის მკურნალობას. ეს საუკეთესო წამალია ორგანიზმიდან ტოქსინების გასადევნად.

ჯანჯაფილის ჩაი ეფექტური საშუალებაა მაღალი ქოლესტერინისა და სისხლძარღვების ბლოკირების წინააღმდეგ. ის, ასევე, ხელს უშლის კიბოს უჯრედების განვითარებას, ანტიოქსიდანტების არსებობის წყალობით კი ორგანიზმის გამაახალგაზრდავებელია.

შემადგენლობისა და აქტიური ნივთიერებების მხრივ, ყველაზე ღირებულია ახალი ჯანჯაფილის ფესვი. გარდა ამისა, ასეთი ჯანჯაფილი უფრო ადვილად იწმინდება, მის კანს გამკვრივების დრო არ აქვს და შესაბამისად, არც მისი გარეცხვა გაგიჭირდებათ. ვიზუალურად ახალგაზრდა ჯანჯაფილს აქვს სასიამოვნო კრემისფერ-ოქროსფერი შეფერილობა, შეხებით გლუვია, კვანძების გარეშე.

ჯანჯაფილი ხელს უწყობს საჭმლის მონელებასაც, ასე რომ, ჭამის შემდეგ მისი მიღება დაეხმარება თქვენს კუჭს, საკვები მარტივად გადაამუშაოს და ცხიმების დაგროვება არ მოხდეს.

ჯანჯაფილი ეფექტური და უსაფრთხოა (დღეში ერთი გრამი) ორსულთა ტოქსიკოზის დროსაც. მნიშვნელოვნად ამცირებს გულისრევის შეგრძნებას და პირღებინების სიხშირეს. ღებინების საწინააღმდეგო წამლებისგან განსხვავებით, ჯანჯაფილს ორსულთათვის არ აქვს გვერდითი მოვლენა და ეფექტისთვის ძალიან მცირე რაოდენობაა საჭირო.

ჯანჯაფილის ორი ან სამი ნაჭერი ცხელ წყალში სრულიად საკმარისია მისი დადებითი თვისებების მისაღებად. ართრიტიანი პაციენტებისთვის კი სადილში ჩამატებული 1 სანტიმეტრის სიგრძის ჯანჯაფილის ნაჭერი საკმარისი აღმოჩნდა სიმპტომების აღმოსაფხვრელად (გაზრდილი დოზით ეფექტს უფრო მალე მიაღწიეს).